ភរិយា Weir ត្រូវមហាជនព្រមានថា កុំធ្វើសកម្មភាពបែបនេះ បើកំពុងពរពោះ

កាលពីពេលថ្មីៗនេះ ភរិយា Weir គឺ Vicky Pemonya បានធ្វើដំណើរកម្សាន្ត​វិស្សមកាល​​ដោយ​ការថ្មើរជើងតាមព្រៃភ្នំ និងព្រែក ខណៈនាងកំពុងពរពោះកូនដំបូង។

អ្វីដែលមហាជនជាច្រើន​ព្រួយ​បារម្ភខ្លាំង ​ក្រោយមិត្តជិតស្និត Weir ​គឺលោក Nat Atirut បានធ្វើ Vlog មួយថ្ងៃជាមួយ Vicky បង្ហោះ​នៅលើ Channel N ​និងបានឃើញ​រូបភាព​របស់ភរិយា Weir កំពុងដើរឡើងភ្នំទាំងមេឃទើបនឹងភ្លៀង និងរអិលថែមទៀតផង។ ភ្លាមៗនោះដែរ​ នាងក៏បាន​ធ្វើ​ឲ្យ​អ្នក​គាំទ្រមាន​ការ​ព្រួយ​បារម្ភ​ជាខ្លាំង ​និង​បានចេញការព្រមានដ៏ធំដល់ម្ដាយវ័យក្មេងរូបនេះ​ថា​​ ប្រយ័ត្នរអិល ហាមឡើងចុះភ្នំគ្រោះថ្នាក់ណាស់​ ​កុំ​បន្ត​សកម្មភាព​បែប​នេះ ​ពេល​កំពុង​ពរពោះកូនដំបូង។

យ៉ាង​ណា​មិញ Vicky បាន​និយាយ​ក្នុង​ឃ្លីប​ថា ​នាងដើរយឺតៗទេហើយក៏ដើរស្រួលដូចបាន​ហាត់​ប្រាណ។ តាមពិត​ស្ត្រី​មាន​ផ្ទៃ​ពោះ​ក៏​អាច​ធ្វើ​លំហាត់​ប្រាណ​បាន​ដែរ ដើរ​យឺត​ក៏​ល្អ​សម្រាប់​សុខភាព​។ ដោយសារ​តែ​អ្វីដែលអ្នកញ៉ាំ ត្រូវ​ដើរ និងហាត់ប្រាណខ្លះ ដើម្បីឲ្យកុមាររឹងមាំពីក្នុងពោះមក។ ចំណែកមិត្តជិតស្និទ្ធ Weir ក៏បាននិយាយថា កុំឲ្យនាងរុញខ្លួនឯងខ្លាំងពេកព្រោះលោកបារម្ភ​ពី​ប្អូន​ស្រី​ក្នុង​ពោះ ។

ក្នុងនោះក៏នៅតែមានមហាជននិយាយលើកឡើងថា មនុស្សស្រីមានផ្ទៃពោះមានរឿងដែលយើងមើលមិនឃើញ សូម្បី​តែ​ស្រែ​ចម្ការ​ក៏​មិន​ឲ្យ​ធ្វើដែរ។ ប៉ុន្តែបើ​មិន​អាច​ជៀស​បាន​ទេ ចូរ​ដាក់​អំបោះ​នៅ​សងខាង​ពោះ នឹងជួយមិនឲ្យជួបរឿងអាក្រក់ចូលមក។ ពួកយើងសង្ឃឹមថា អ្នកទាំងអស់គ្នាជួបតែសេចក្តីសុខ សុវត្ថិភាព។

គួររឭកដែរថា តារាសម្តែង Weir Sukolwat គឺមនុស្ស​ដែល​ចូលចិត្តសកម្មភាពផ្សងព្រេង​បំផុត​​ ដោយ​ដើរ​ការឡើង​ភ្នំ​ចុះ​តាម​ព្រែក មិនដែលបោះបង់សូម្បីតែដំណើរកម្សាន្តណាមួយ។ ដូច្នេះ ​​Vicky​ ដែលជាភរិយា ក៏​ត្រូវ​ចូល​ចិត្ត​សកម្មភាពនេះតាមស្វាមីដែរ៕

សូមទស្សនាវីដេអូខាងក្រោម៖

ប្រែសម្រួល៖ សាង ស្រីល័ក្ខ

ចុចអាន៖Pancake កាន់តែកើនប្រជាប្រិយភាពខ្លាំងក្លា ទោះរៀបការហើយក្ដី

ចុចអាន៖មហាជនព្រួយបារម្ភ ក្រោយម្ដាយ Nadech ទម្លាយឃ្លិប និងរូបភាពទឹកជំនន់លិចផ្ទះកាន់តែខ្លាំង