ជីវិតកម្សាន្ដ

បង្ហាញមុខមិត្តភ័ក្ដិជិតស្និទ្ធរបស់សមាជិក BLACKPINK ចូលរួមការប្រគុំតន្ត្រី “BORN PINK “

បានផុស

៤ years មុន

នៅ

ថ្ងៃចន្ទ ១៧ តុលា ២០២២

ដោយ

កាលពីថ្ងៃទី ១៥ ខែតុលា ក្រុម BLACKPINK បានរៀបចំការប្រគុំតន្ត្រីមួយឈ្មោះ “BORN PINK” នៅឯពហុកីឡដ្ឋាន KSPO Dome ក្នុងទីក្រុងសេអ៊ូល ។ ក្នុងព្រឹត្តិការណ៍ដ៏ធំនោះ បានទាក់ទាញមនុស្សរាប់ពាន់នាក់មកពីជុំវិញពិភពលោក ហើយក៏មានតារា K pop ល្បីៗជាច្រើន ដែលត្រូវបានគេដឹងថា ជាមិត្តភ័ក្ដិជិតស្និទ្ធរបស់ BLACKPINK ក៏បានចូលរួមផងដែរ។

ខាងក្រោមនេះគឺជាតារា K pop ល្បីៗជាមិត្តភ័ក្តិជិតស្និទ្ធរបស់សមាជិក BLACKPINK ដែលបាន ចូលរួមការប្រគុំតន្ត្រី “BORN PINK” ៖

១. Hyeri សមាជិកក្រុម Girl’s Day

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Hyeri ដែលជាមិត្តជិតស្និទ្ធនឹង Rosé បានថតរូបជាមួយសមាជិក BLACKPINK ទាំងបួននាក់ ។ នាងក៏បានចែករំលែករូបថតប៉ុន្មានសន្លឹកផងដែរ ពេលនាងកំពុងតែសប្បាយក្នុងការប្រគំតន្ត្រីនោះ ។

២. Seunghoon សមាជិកក្រុម WINNER

មិត្តសិល្បៈរួមផលិតកម្ម YG Entertainment គឺ Seunghoon សមាជិកក្រុម WINNER (ដែលត្រូវបាន គេស្គាល់ឈ្មោះថា Hoony) ក៏បានចូលរួម និងថតរូបជាមួយសមាជិក BLACKPINK ម្នាក់ៗមួយប៉ុស្តិ៍ៗផងដែរ នៅខាងក្រោយការប្រគុំតន្ត្រីនោះ ។

៣. Bona សមាជិក WJSN

Bona ក៏បង្ហាញការគាំទ្ររបស់នាងចំពោះមិត្តភ័ក្ដិគឺនាង Jisoo តាមរយៈការចែករំលែករូបថតជាមួយគ្នារបស់ពួកគេក្នុង Instagram Stories នៅខាងក្រោយឆាកក្នុងការប្រគុំតន្ត្រីរបស់ BLACKPINK ។

៤. Minnie សមាជិកក្រុម (G) I-DLE

Minnie បានមកគាំទ្រ Lisa ដែលជាមិត្តភ័ក្ដិនៅឯការប្រគុំតន្ត្រីនេះផ្ទាល់ ហើយបានចូលរួមក្នុងកម្មវិធីនេះផងដែរជាមួយនឹង Sorn អតីតសមាជិកក្រុម CLC ដែលជាជនជាតិថៃ ។

៥. Sorn អតីតសមាជិកក្រុម CLC (ជាមួយគ្រួសារ Lisa)

Sorn ដែលជាជនជាតិថៃ និងជាមិត្តភ័ក្ដិជិតស្និទ្ធរបស់ Lisa ក៏បានបង្ហាញពីក្តីស្រលាញ់របស់នាងចំពោះ Lisa ជាមួយនឹង Minnie ផងដែរ ។ បន្ថែមពីលើនេះ នាងបានចូលរួមការប្រគុំតន្ត្រីជាមួយគ្រួសាររបស់ Lisa ថែមទៀតផង ។

៦. តារាម៉ូដែល Yoon Rong Rong

Yoon Rong Rong ដែលត្រូវបានគេស្គាល់ថា Soojin និងអតីតសមាជិកក្រុម GLAM Trinity ក៏បានបង្ហាញការគាំទ្ររបស់នាងទៅលើមិត្តជិតស្និទ្ធរបស់នាងគឺ Jisoo នៅឯការប្រគុំតន្ត្រីនោះផងដែរ ។

គួរបញ្ជាក់ថា ក្រៅពី BLACKPINK ក៏មានសមាជិកក្រុម K Pop និងតារាសម្តែងផ្សេងៗទៀតចូលរួមក្នុងការប្រគំតន្ត្រីនេះផងដែរ ៕

ប្រែសម្រួល៖នាងតូច

ចុចអាន៖Jessi រិះគន់អ្នកគ្រប់គ្រងរបស់នាង អំឡុងការប្រគំតន្ត្រីនៅ អឺរ៉ុប

ចុចអាន៖តារាកូរ៉េ ៧ រូប ហ៊ានអះអាងថា មិនប៉ះពាល់គ្រឿងស្រវឹងសូម្បីតែបន្តិច