ជីវិតកម្សាន្ដ

តួរឿង “Squid Game” ទម្លាក់ Kim Soo Hyun ក្ដោបយកតំណែង តារាប្រុសស៊ីថ្លៃខ្ពស់បំផុត

បានផុស

៤ years មុន

នៅ

ថ្ងៃអង្គារ ១៨ តុលា ២០២២

ដោយ

ទស្សនិកជនដែលនិយមតាមដានរឿងភាគកូរ៉េ ប្រាកដជាស្គាល់ Kim Soo Hyun ដែលជាតារាសម្ដែងដ៏ល្បីល្បាញក្នុងឧស្សាហកម្មកម្សាន្តប្រទេសកូរ៉េខាងត្បូងមិនខានទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ត្បិតថាតារាសម្ដែង Kim Soo Hyun ត្រូវបានមហាជនស្គាល់យ៉ាងច្បាស់ថា ជាកំពូលតារាដែលកាន់តំណែងជាតារាប្រុសស៊ីថ្លៃខ្ពស់បំផុតជាច្រើនឆ្នាំជាប់ៗគ្នា ជាមួយនឹងតម្លៃខ្លួនជាង៣៩ម៉ឺនដុល្លារ ក្នុងមួយវគ្គក្ដី។ ប៉ុន្តែថ្មីៗនេះ តំណែងរបស់លោកត្រូវបានផ្ដួល ដោយតារាសម្ដែង Lee Jung Jae ដែលជាតួល្បីល្បាញក្នុងរឿង “Squid Game” ទៅវិញ ។

ជាមួយគ្នានេះដែរ មុននេះមានព័ត៌មានលេចឮថាតួប្រុសក្នុងរឿង “Squid Game” កំពុងរៀបចំរដូវកាលទី ២ ជាមួយនឹងការថតរឿង នឹងចាប់ផ្ដើមនៅឆ្នាំក្រោយ ខណៈ Lee Jung Jae បានកិច្ចសន្យាដោយចុះហត្ថលេខា ដើម្បីចូលរួមគម្រោងនេះរួចហើយ។ ជាលទ្ធផល គាត់នឹងទទួលបាតម្លៃខ្លួនក្នុងមួយវគ្គនៃរឿង ‘Squid Game’ រដូវកាលទី ២ ប្រមាណ ១ ពាន់លានវ៉ុន ។

បន្ថែមពីនេះ “Squid Game” រដូវកាលទី១ Lee Jung Jae ទទួលបានត្រឹមតែ ៣០០ លានវ៉ុន ក្នុងមួយវគ្គ សរុបចំនួន ៩ ភាគគឺ៣.១ ពាន់លានវ៉ុនប៉ុណ្ណោះ ដែលនេះអាចហៅថា ជាជោគជ័យដ៏ធំមួយមិនធ្លាប់មានសម្រាប់តារាប្រុសរូបនេះ៕

ប្រែសម្រួល៖ សាង ស្រីល័ក្ខ

ចុចអាន៖Jin សមាជិក BTS នឹងចេញបទចម្រៀងទោលចុងក្រោយ មុនបម្រើការងារកងទ័ព

ចុចអាន៖តារាកូរ៉េ ៧ រូប ហ៊ានអះអាងថា មិនប៉ះពាល់គ្រឿងស្រវឹងសូម្បីតែបន្តិច