ជីវិតកម្សាន្ដ

តារាសម្ដែង Lee JiHan ស្លាប់ក្នុងហេតុការណ៍រត់ជាន់គ្នានៅ Itaewon

បានផុស

៤ years មុន

នៅ

ថ្ងៃចន្ទ ៣១ តុលា ២០២២

ដោយ

តារាសម្តែង Lee JiHan អតីតបេក្ខជនប្រឡងក្នុងកម្មវិធី Produce 101 Season 2 ទទួលមរណភាពនៅអាយុ ២៤ ឆ្នាំ ក្នុងហេតុការណ៍រត់ជាន់គ្នានៅតំបន់ Itaewon កាលពីថ្ងៃទី ២៩ ខែ តុលា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃទី ៣០ ខែតុលា ទីភ្នាក់ងារ 935 Entertainment របស់ Lee Ji Han បានបញ្ជាក់ថា “វាជាការពិតដែល Lee Ji Han ទទួលមរណភាព ដោយសារគ្រោះថ្នាក់រត់ជាន់គ្នានៅតំបន់ Itaewon ថ្ងៃទី ២៩ ខែ តុលា” ។
អ្នកតំណាងរបស់ទីភ្នាក់ងារនេះ បានបន្តទៀតថា “យើងក៏សង្ឃឹមថាវាមិនពិតដែរ ហើយយើងពិតជារន្ធត់ចិត្តជាខ្លាំង នៅពេលបានឮដំណឹងនេះ។ គ្រួសាររបស់ Lee Ji Han កំពុងមានទុក្ខក្រៀមក្រំយ៉ាងខ្លាំង ដូច្នេះយើងត្រូវមានការប្រុងប្រយ័ត្នខ្ពស់ និងជាចុងក្រោយយើងចូលរួមរំលែកទុក។”

ព័ត៌មាននៃការលាចាកលោករបស់ Lee Ji Han ជាលើកដំបូងបានទៅដល់សាធារណជន នៅពេលដែលមិត្តរួមក្រុមរបស់គាត់ជាច្រើននាក់ពីកម្មវិធី “Produce 101 Season 2” រួមទាំង Park Hee Seok, Kim Do Hyun និង Cho Jin Hyung បានសរសេរសាដើម្បីចែករំលែកព័ត៌មានសោកនាដកម្មលើបណ្ដាញសង្គម Instagram។ ពួកគេបានសរសេរថា “Ji Han បានចាកចេញពីពិភពលោកនេះ ហើយទៅកន្លែងដ៏សុខស្រួល។ យើងសុំឱ្យអ្នកលាគាត់នៅលើផ្លូវចុងក្រោយរបស់គាត់” ។

គួរបញ្ចាក់ថា Lee Ji Han បានទទួលការចាប់អារម្មណ៍ជាលើកដំបូង ក្នុងនាមជាបេក្ខជនក្នុងកម្មវិធី “Produce 101 Season 2” របស់ Mnet ក្នុងឆ្នាំ ២០១៧ ខណៈលោកបង្ហាញខ្លួនជាតួសម្តែងក្នុងរឿង “Today Was Another Nam Hyun Day” នាឆ្នាំ ២០១៩៕

ប្រែសម្រួល៖នាងតូច

ចុចអាន៖ក្រុមចម្រៀង RED VELVET នឹងវិលត្រលប់មកវិញ នៅចុងខែវិច្ឆិកា

ចុចអាន៖Lisa សមាជិក Blackpink បង្កើតកំណត់ត្រាថ្មីមួយនៅលើ Spotify