បង្ហាញដំណឹងល្អភ្លាម Patricia បង្អួតពោះកាន់តែខ្ទាតជាងមុន

បន្ទាប់ពីប្រកាសដំណឹងមានផ្ទៃពោះមិនទាន់បាន​ប៉ុន្មាន​តារាសម្តែង Patricia Good បានបង្ហាញពី​ក្បាល​ពោះ​រាង​ខ្ទាត​ជាង​មុន​ ស្រប​ពេល​ដែល​នាង​ប្រកាស​លើ​បណ្ដាញ​សង្គមថា ​រំភើប​ខ្លាំង និង​កំពុង​ត្រៀម​ខ្លួន​ដើម្បី​ក្លាយ​ជា​ម្ដាយ​នា​ពេល​ខាង​មុខ។

តាមរយៈរូបមួយសន្លឹកតារាសម្ដែងរូបនេះ ​បង្ហាញ​​ខ្លួន​​លើក​ដំបូងក្នុងនាមជាអ្នកម្ដាយថ្មីថ្មោង ខណៈក្បាលពោះ​របស់​នាង​ក៏​ចាប់​ផ្ដើម​រីក​ធំ​ជាងមុនឆ្ងាយព្រមទាំងដាក់ខេបសិន​​ថា “ការ​បង្ហាញ​ខ្លួន​ដំបូង​របស់​ទារក”។​

មហាជនជាច្រើនដែលនិយមតាមដានជីវិតគ្រួសារនាងព្រមទាំងមិត្តរួបសិល្បៈ បានសម្ដែងក្ដីរំភើបជំនួស និងចូលរួមអបអរសាទរដល់ Patricia Good ដែលជិតបានទាយាទស្នងត្រកូលឆាប់ៗខាងមុខ។ អ្វីដែលពិសេសបំផុតនោះ គ្រប់គ្នាក៏បញ្ចេញមតិដូចគ្នា Patricia គឺជាអ្នកម្តាយម្នាក់ម្នាក់ដ៏ស្រស់ស្អាត បើទោះបីជានាងមានផ្ទៃពោះ ប៉ុន្តែពិតជាមិនអាចធ្វើឲ្យសម្រស់របស់នាងថមថយមួយខណៈណាបានឡើយ។

សូមជម្រាបដែរថាគូស្នេហ៍ពាន់លាន Patricia-Note បានរៀបអាពាហ៍ពិពាហ៍កាលពីថ្ងៃទី២០ ខែធ្នូ ឆ្នាំ២០២២ បើគិតមកទល់ពេលនេះ វាមានរយៈពេលជាង២ខែ! ហើយពួកគេក៏បានប្រកាសពីដំណឹងល្អកាលពីថ្ងៃទី ១៥ កុម្ភៈ Patricia​ ពីការមានផ្ទៃពោះលើកដំបូងតែម្ដង៕

ប្រែសម្រួល៖ សាង ស្រីល័ក្ខ

ចុចអាន៖គូស្នេហ៍ពាន់លាន Patricia-Note បង្ហាញរូបភាពកូនក្នុងផ្ទៃលើកដំបូង

ចុចអាន៖តាមពិតបុរសថតស្និតស្នាលជាមួយ Aum គឺជាអ្នកជំនួញប្រាក់លានប្រចាំប្រទេស