ទម្លាយទ្រព្យសម្បត្តិរបស់ Janie ដែលខំរកដោយដៃឯង

Janie Tienphosuwan គឺជាតារាសម្តែង និងជាតារាបង្ហាញម៉ូដជនជាតិថៃដើមកំណើតអាមេរិកាំង ដែលកំពុងទទួលបានប្រជាប្រិយភាពពាសពេញប្រទេស។ នាងជាតារាស្រីដែលតស៊ូសម្ដែងតាំងពីតួរាយរង និងតួសម្ដែងតូចតាមក្នុង MV ចម្រៀង ទម្រាំទទួលបានភាពល្បីល្បាញនៅក្នុងស្រុក និងឈានដល់អន្តរជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឆ្លងកាត់បទពិសោធន៍ក្នុងវិស័យកម្សាន្តជិត ២០ឆ្នាំ Janie ធ្លាប់បរាជ័យជាច្រើនលើកច្រើនសារ ព្រមទាំងជួបរឿងជូរចត់ទាំងក្នុងអាជីព និងជីវិតគូ រហូតមានពេលខ្លះនាងសឹងតែបោះបង់សិល្បៈចោលទៅហើយ។ ទោះយ៉ាងណា បច្ចុប្បន្ន Janie Tienphosuwan បានក្លាយជារៀមច្បងមួយរូប ​និងកំពុងប្រកាសប្រឡូកចូលក្នុងវិស័យសិល្បៈវិញយ៉ាងពេញទំហឹង។

ដោយសារកេរ្តិ៍ឈ្មោះ រូបសម្រស់ និងប្រជាប្រិយភាពក្នុងនាមជាខ្ញីចាស់លំដាប់ជួរមុខ Janie កំពុងត្រូវប៉ាន់ខ្លាំងខាងថតស្ពត និងបង្ហាញម៉ូដ។ ក្រៅពីសម្ដែង នាងជាតារាបង្ហាញម៉ូដដ៏ពេញនិយម ដោយតារាស្រីវ័យ ៤១ឆ្នាំរូបនេះគឺជាអ្នកផ្សព្វផ្សាយយីហោគ្រឿងសម្អាង កាបូបនារី គ្រឿងអលង្ការ សម្លៀកបំពាក់ រួមទាំងផលិតផលផ្សេងៗជាច្រើនទៀត។ មិនតែប៉ុណ្ណោះនាងធ្លាប់មានវត្តមានលើក្របទស្សនាវដ្ដីអន្តរជាតិជាច្រើនច្បាប់ និងធ្លាប់ដើរម៉ូដនៅបរទេសផងដែរ។

បច្ចុប្បន្ន Janie ជា​តារា​ស្រីដែលមាន​បំផុត​ម្នាក់ ​​ក្នុង​បញ្ជី​តារា​សម្ដែងស្រីលំដាប់ប្រទេស ព្រោះតែមួយឆ្នាំៗនាងរកបានចំណូលរាប់សែនដុល្លារឯណោះ។ យោងតាមការវិភាគរបស់ Wikipedia, Forbes និង Business Insider ឆ្នាំ២០២៣នេះ Janie Tienphosuwan ជាម្ចាស់ទ្រព្យសម្បត្តិ ៥លានដុល្លារអាមេរិក។ ​ទ្រព្យសម្បត្តិទាំងនេះ មិនរាប់បញ្ចូលនូវកេរមរតកពីឪពុកម្ដាយ និងទ្រព្យសម្បត្តិរួមជាមួយស្វាមីរបស់នាងឡើយ៕

ប្រែសម្រួល៖ សន្យា

ចុចអាន៖ រូបរាងរបស់ ​Janie កំពុងរងការរិះគន់ថា ដូចមនុស្សទាស់សរសៃ

ចុចអាន៖ ប្រឡូកសិល្បៈជិត ៣០ឆ្នាំ Kwan សល់ទ្រព្យមិនច្រើនទេក្នុងដៃ