ជីវិតកម្សាន្ដ

មហាជនចោទ Bella ថា ព្យាយាមពាំងមុខ Taew ក្រោយធ្លាយឃ្លិបមួយកាលឆ្នាំ ២០១៩

បានផុស

៤ ថ្ងៃ មុន

នៅ

ថ្ងៃសុក្រ ៣ មីនា ២០២៣

ដោយ

បញ្ហារបស់តារាស្រី Bella Ranee នៅមិនទាន់ចប់ទេ ក្រោយអ្នកនិយមលេងអ៊ីនធឺណេតជាច្រើនបានជីកកកាយឲ្យកក្រើកម្ដងទៀតទាំងឃ្លិបចាស់និងថ្មី ដែលពេលនេះមហាជនជាច្រើនបានបង្វែរអារម្មណ៍ចោទប្រកាន់ Bella ថានាងព្យាយាមពាំងមុខ Taew Natapohn មិនឲ្យបង្ហាញមុខ និងយកពានរង្វាន់តែឯង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈឃ្លិបមួយដែលត្រូវបានមហាជនក្នុងបណ្ដាញអ៊ិនធើណេតទម្លាយ គឺជាក្នុងកម្មវិធី Ais Bangkok Countdown កាលឆ្នាំ២០១៩ ដោយកាលណោះ Tae និង Bella រួមជាមួយក្រុមពិធីករ AIS ឡើងឆាកបង្ហាញបទ Happy តែដល់ចប់បទចម្រៀងរួចរាល់ Bella ដូចជាកំពុងតែព្យាយាមបាំងមុខ Tae មិនឲ្យទស្សនិកបានឃើញសូម្បីតែបន្តិចណា។

លើសពីនេះ នៅមានឃ្លិបចាស់មួយទៀតដែល Bella ទទួលពានរង្វាន់រួមជាមួយ Taew និង James Jirayu ដោយ Bella បានទទួលបាច់ផ្កាមុនពេលទៅយករង្វាន់ និងនិយាយតំណាងក្រុម ក្នុងនោះម្ចាស់ការបង្ហោះរូបនេះ បាននិយាយនៅក្នុង caption ថា “មក៣នាក់ តែទទួលផ្កាតែឯង យករង្វាន់និងនិយាយតំណាងតែឯង” រហូតអ្នកលេងបណ្ដាញសង្គមអ៊ីនធឺណេត ក៏ចូលទៅរិះគន់លើឃ្លិបនោះភ្លាមៗផងដែរ។

យ៉ាងណាមិញ ក្រោយឃ្លិបទាំងពីរនេះត្រូវបានគេផ្សព្វផ្សាយជាសាធារណៈ មហាជនជាច្រើនបានបញ្ចេញមតិខុសៗគ្នា ថា មនុស្សជាច្រើនបានសួរថាហេតុអ្វីបានជា Bella ឈររារាំង Tae? ហើយមតិខ្លះផ្តល់ហេតុផលថា Bella អាចនឹងឈរនៅនឹងកន្លែងអំឡុងពេលហាត់សមលើកដំបូង។ ប៉ុន្តែដោយមានអ្វីជាច្រើនដែលបង្ហាញយ៉ាងពិត ជារូបភាពដែលចេញមកគឺដូចជានាងព្យាយាមរារាំងម្ខាងទៀតយ៉ាងដូចច្នោះដែរ! ទោះយ៉ាងណា យើងត្រូវចាំការពិតបង្ហាញជាជាងវែកញែកតាមតែចិត្ត។ ចំណែកអ្នកនិយមលេងអ៊ីនធឺណិតខ្លះ ខំបើកចិត្តមើលមួយជ្រុងទៀត ប្រហែលជាអ្នកទាំង៣បានព្រមព្រៀងគ្នាមុនឡើងលើឆាកដោយឲ្យ Bella និយាយនិងទទួលរង្វាន់ជាក្រុម៕