មនុស្សតិចណាស់ដឹងថា Liu Yifei មានប្រវត្តិគ្រួសារលេចធ្លោខ្លាំងក្នុងសង្គមចិន

ក្នុងនាមជាតារាស្រីមាន​សម្រស់​លេចធ្លោ​បំផុត Liu Yifei តែងតែត្រូវបានគេសរសើរ​ចំពោះសម្រស់របស់នាង ហើយក៏មាន​មនុស្ស​តិចណាស់​ដែល​ដឹង​ថា តារា​សម្ដែង​ស្រី​រូប​នេះ កើត​មក​ក្នុង​គ្រួសារ​ដែល​មាន​ភាព​ប៉ិនប្រសប់ និង​មាន​ទេពកោសល្យ។

ជីតា​របស់ Liu Yifei គឺជា​អតីត​ទាហាន​ដ៏​ល្បីល្បាញ​ក្នុង​ជួរ​កងទ័ព ដូច្នេះហើយ​គាត់បាន​ប្តូរ​នាម​ត្រកូល​របស់​គាត់​ដើម្បី​រំលឹក​ដល់​សមមិត្ត​របស់គាត់។ ចំណែកជីដូនឪពុករបស់នាង​គឺជាលេខា​នៃ​មន្ទីរពេទ្យ Wuhan អស់​រយៈពេល​ជាច្រើន​ឆ្នាំ​ដែល​ល្បីល្បាញ​ដោយសារ​ជំនាញវិជ្ជាជីវៈ​របស់​គាត់។

មិន​ត្រឹម​តែ​ប៉ុណ្ណោះ ឪពុក​របស់​នាង​គឺ​លោក An Shaokang ជាលេខាទីមួយនៃស្ថានទូតចិនប្រចាំប្រទេសបារាំង និងជាសាស្រ្តាចារ្យសាកលវិទ្យាល័យភាសាបារាំងមកពីទីក្រុងប៉េកាំង ដែលទាំងនេះបានជះឥទ្ធិពលដល់ការអប់រំរបស់តារាសម្តែង​រូបនេះ​ជា​ខ្លាំង។ គេដឹងថា Liu Yifei ចូលចិត្តអានសៀវភៅ និងចេះភាសាជាច្រើនដូចជា អង់គ្លេស ជប៉ុន ចិន និងបារាំង។ តារា​ស្រី​រូប​នេះ​ក៏​ពូកែ​ប្រឡង​គូរ ហើយ​ល្បី​តាំង​ពី​អាយុ​១៥​ឆ្នាំ​ម្ល៉េះ។

ដោយឡែក អ្នកម្ដាយរបស់នាងគឺលោកស្រី Liu Xiaoli គឺជាគ្រូបង្ហាត់របាំ Wuhan Academy of Drama និងជាតួសម្តែងក្នុងខ្សែភាពយន្តមួយ​ចំនួន។ ទន្ទឹមនោះ ម្ដាយ​របស់ Liu Yifei ក៏នាំកូនស្រីចូលទៅក្នុងពិភព showbiz ដែលកំពុងតែល្បីល្បាញ។ ទោះ​បី​ជា​មានគ្រួសារដូចជា​ត្បូង​ពេជ្រ​បែប​នេះ​ក៏​ដោយ ប៉ុន្តែតួឯកស្រីក្នុងរឿង “Mulan” តែងតែជម្នះឧបសគ្គរហូតនាងបានបង្ហាញខ្លួនជាច្រើនដងក្នុងបញ្ជីតារាល្បីប្រចាំប្រទេសចិន១០០របស់ Forbes ហើយត្រូវបានគេដាក់ឈ្មោះថាជាតារាសម្ដែងស្រី Dan ថ្មីទាំងបួនរបស់ប្រទេសចិនក្នុងឆ្នាំ ២០០៩។ នាងក៏ត្រូវបានគេស្គាល់ថាជា “Fairy Sister” នៅក្នុងប្រទេសចិនដូចគ្នា៕

ប្រែសម្រួល៖ សាង ស្រីល័ក្ខ

ចុចអាន៖ទស្សនាទិដ្ឋភាពមង្គលការរបស់តួឯកប្រុស ក្នុងរឿងភាគកូរ៉េ “មនុស្សកញ្ជ្រោង”