តម្លៃកាបូបស្ពាយប្រចាំថ្ងៃ ៤ ប្រភេទ ជាសំណព្វចិត្តបុគ្គលល្បីលំដាប់ពិភពលោក

សម្ភារៈប្រើប្រាស់របស់តារាល្បីលំដាប់ពិភពលោកដូចជាកាបូប ស្បែកជើង គ្រឿងសម្អាងតែងមានមហាជនចាំសង្កេតមើលដើម្បីប្រើតាមព្រោះភាពជឿជាក់ទៅលើនិមិត្តរូបរបស់ពួកគេ ។ មកដឹងពីកាបូប ៤ ប្រភេទដែលតារាល្បីប្រើមិនមែនជាការឧបត្ថម្ភ ៖

១. កាបូបស្បែកធំ The Row

អ្នកប្រមាញ់រូបថតឧស្សាហ៍ឃើញតារាម៉ូដែលលំដាប់ពិភពលោក Kendall Jenner ស្ពាយកាបូបស្បែកពណ៌ខ្មៅរបស់ The Row ណាស់ ។ កាបូបនេះមានម៉ូដសាមញ្ញតែមិនហួសសម័យសក្តិសមជាមួយសំលៀកបំពាក់ប្រចាំថ្ងៃនិងទូលាយងាយស្រួលប្រើប្រាស់ ចំណែកតម្លៃវិញគឺ ១,៧៩០ ដុល្លារ ។

២. កាបូបម៉ាក Chanel 

តារាម៉ូដែលលំដាប់ពិភពលោក Emily Ratajkowski ជានារីម្នាក់ក្នុងចំណោមនារីរាប់ម៉ឺននាក់ដែលស្រលាញ់ពេញចិត្តកាបូប Chanel ខាងក្រោមព្រោះវាងាយស្រួលប្រើហើយសាកសមស្ពាយគ្រប់កាលៈទេសៈ ។ កាបូប Chanel ម៉ូដនេះដែរមានតម្លៃ ១០,២០០ ដុល្លារ ហើយអ្នកលេងកាបូបភាគច្រើនមិនសូវមើលរំលងវាប៉ុន្មាននោះទេ ។

៣. កាបូបស្ពាយ YSL

Hailey Bieber ភរិយាតារាចម្រៀង Justin Bieber ចូលចិត្តស្ពាយកាបូបម៉ាក Yves Saint Laurent តម្លៃ ២,៥០០ ដុល្លារដោយសារភាពស៊ីវិល័យរបស់កាបូប ថែមទាំងស្រាលងាយដាក់របស់របរប្រើប្រាស់ទៀតផង ។ 

៤. កាបូបយួរម៉ាក Polene Paris

វាមានទំហំតូចប៉ុន្តែទាន់សម័យនិងថ្លៃថ្នូរ ហើយគេឃើញព្រះនាង Kate Middleton មហេសីព្រះអង្គម្ចាស់ William សព្វព្រះរាជហឫទ័យនឹងវាណាស់ ចំណែកតម្លៃវិញមិនថ្លៃខ្លាំងទេត្រឹមតែ ៤២០ ដុល្លារប៉ុណ្ណោះ ៕

ប្រែសម្រួល ៖ វារី

ចុចអាន ៖ ហេតុផល ៦ យ៉ាង យើងមិនគួរទិញកាបូបក្លែងក្លាយ ឬ Top Grade