តារា K pop ៨ រូប ទទួលបានការសរសើរច្រើនជាងគេ ក្នុងកម្មវិធីភាពយន្ត Cannes

ក្នុងចំណោមសិល្បករកំពូលទាំង ១០ ក្នុងនោះក៏មានឈ្មោះ K pop ចំនួន ៨ រូប ដែលទទួលបានការសរសើរច្រើនជាងគេបំផុតនៅលើប្រព័ន្ធផ្សព្វផ្សាយសង្គមក្នុងអំឡុងពិធីបុណ្យមហោស្រពភាពយន្ត Cannes ឆ្នាំ ២០២៣ ។

នៅថ្ងៃទី 31 ខែឧសភានេះគេហទំព័រ NetBase Quid ដែលជាវេទិកាអ្នកប្រើប្រាស់ និងទីផ្សារដែលដំណើរការដោយ AI បានបង្ហាញសិល្បករ ១០ នាក់ដែលមានការសរសើរច្រើនជាងគេបំផុតនៅលើប្រព័ន្ធផ្សព្វផ្សាយសង្គមក្នុងអំឡុងពេលមហោស្រពភាពយន្តទីក្រុង Cannes។ ជាពិសេសចំណាត់ថ្នាក់លេខមួយបានទៅលើ Jennie សមាជិកក្រុម BLACKPINK ដែលបានបង្ហាញខ្លួនជាតួសម្តែងក្នុង រឿង “The Idol” ។

ទន្ទឹមនឹងនេះ Rosé ដែលជាសមាជិកម្នាក់ទៀតរបស់ BLACKPINK ដែលបានបង្ហាញខ្លួនជាទូតសុឆន្ទៈរបស់ Saint Laurent និងក្រុមចម្រៀង aespa ដែលបានបង្ហាញខ្លួនជាទូតសុឆន្ទៈ Chopard បានទទួលចំណាត់លំដាប់ទី ២ និងទី ៣ ។ ទោះបីជាមិនបានចូលរួមក្នុងមហោស្រពភាពយន្តក៏ដោយ Hyunjin សមាជិក Stray Kids ជាប់ចំណាត់ថ្នាក់លេខ ៤ ខណៈដែលលោកបានចូលរួម កម្មវិធីបង្ហាញម៉ូដរបស់ម៉ាកយីហោ Versace នៅទីក្រុង Cannes ។ ម៉្យាងវិញទៀត BLACKPINK ទទួលបានចំណាត់ថ្នាក់ទី ៥ ។

ចំណាត់ថ្នាក់លេខ ៦ គឺតារាសម្តែងតួកគី Hande Ercel និង Ningning សមាជិក Aespa ដែលឈរនៅលេខរៀងទី៧ ។បន្ទាប់មក តារាចម្រៀងនិងសម្តែង Krystal Jung ដែលបានបង្ហាញខ្លួនជាតួ សម្ដែងក្នុងរឿង “Cobweb” បានជាប់ចំណាត់ថ្នាក់លេខ ៨ ។ នៅទីបំផុត Johnny Depp ទទួលបាន ចំណាត់ថ្នាក់ទី ៩ ជាមួយនឹងខ្សែភាពយន្តថ្មីរបស់គាត់ ខណៈដែល Karina សមាជិក Aespa បាន បិទញ្ជីដោយជាប់ចំណាត់ថ្នាក់លេខ ១០ ជាមួយនឹងសម្លៀកបំពាក់ “black swan” ដ៏អស្ចារ្យរបស់នាង ៕

ប្រែសម្រួល៖ នាងតូច

ចុចអាន៖Jennie និង V ជាឈ្មោះដែលគេស្វែងរកច្រើនលើប្រព័ន្ធផ្សព្វផ្សាយ ក្រោយផ្ទុះចចាមអារ៉ាមមិនចេះចប់