តារាសម្តែង Yoo Ah In ត្រូវគេសង្ស័យថាបានប្រើសារធាតុគ្រឿងញៀនចំនួន ៧ ប្រភេទ

នៅព្រឹកថ្ងៃទី ៩ ខែមិថុនានេះ បណ្តាញសារព័ត៌មានកូរ៉េជាច្រើនបានរាយការណ៍អំពីការចោទប្រកាន់ថា Yoo Ah In ប្រើប្រាស់សារធាតុហាមឃាត់ នៅក្នុងសេចក្តីរាយការណ៍បានឲ្យដឹងថាតារាសម្តែងរូបនេះ​ ត្រូវបានគេសង្ស័យថាប្រើប្រាស់គ្រឿងញៀនខុសច្បាប់សរុប ៧ ប្រភេទ ។

គ្រឿងញៀនពីរប្រភេទនេះបន្ថែមពីលើថ្នាំទាំង ៥ ដែលត្រូវបានរាយបញ្ជីដំបូងថាជា propofol, កញ្ឆា, កូកាអ៊ីន, ketamine និង zolpidem, ថ្នាំផ្លូវចិត្តពីរផ្សេងទៀតដែលទើបនឹងរកឃើញគឺថ្នាំ midazolam និងសារធាតុ alphazolam ដែលជាថ្នាំប្រើសម្រាប់ព្យាបាលជំងឺធ្លាក់ទឹកចិត្ត។ ការព្យាបាលការគេងមិនលក់ និងជំងឺថប់បារម្ភ Yoo Ah In ត្រូវបានគេនិយាយថាបានប្រើថ្នាំផ្លូវចិត្តពីរនេះនៅដើមឆ្នាំនេះ។

ភ្លាមៗក្រោយព័ត៌មាននេះត្រូវបានគេបង្ហោះភ្លាម ទស្សនិកជនមានការភ្ញាក់ផ្អើល និងស្អប់ខ្ពើមចំពោះ Yoo Ah In សារធាតុហាមឃាត់កាន់តែច្រើនឡើងត្រូវបានគេរកឃើញនៅក្នុងខ្លួនរបស់សម្តែងរូបនេះដែលនាំឱ្យមនុស្សជាច្រើនជឿថាការបំពាននេះគឺកើតឡើងញឹកញាប់ និងក្នុងរយៈពេលយូរ។

កន្លងមក ក្នុងសវនាការជាមួយតុលាការនៅថ្ងៃទី ២៤ ខែឧសភា Yoo Ah In បានទទួលស្គាល់ការចោទប្រកាន់ភាគច្រើននៃការប្រើប្រាស់គ្រឿងញៀន ប៉ុន្តែផ្ទុយស្រឡះទៅនឹងសេចក្តីថ្លែងការណ៍ ពីមុនរបស់តារាសម្តែងនេះ នៅពេលដែលលោកធ្លាប់បានបដិសេធចំពោះប្រើសារធាតុpropofol, ketamine និង zolpidem ។ តុលាការបានច្រានចោលដីកាចាប់ខ្លួនរបស់ប៉ូលីសសម្រាប់ Yoo Ah In តែនៅតែប្រឈមមុខនឹងការចោទប្រកាន់ពីបទប្រើប្រាស់គ្រឿងញៀនសរុបចំនួន ៧ ផ្សេងគ្នាជំនួសឱ្យ ៥ ដូចពីមុន ៕

ប្រែសម្រួល៖នាងតូច

ចុចអាន៖Rosé និង Zayn Malik អាចនឹងសហការចេញបទចម្រៀងរួមគ្នា