អ្នកលេងអ៊ីនធឺរណិតសរសើរការសម្ដែងរបស់ Jennie នៅក្នុងរឿង The Idol ភាគ៣

តាំងពីចាក់ផ្សាយភាគទី១មកម្ល៉េះ ខ្សែភាពយន្តភាគរឿង The Idol មិនសូវទទួលបានមតិសរសើរពីអ្នកគាំទ្រនៅអាស៊ី និងកូរ៉េប៉ុន្មានឡើយ ទោះបីជាភាពយន្តនេះមានវត្តមាន Kim Jennie សមាជិកក្រុម Blackpink ក៏ដោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទាំងភាគទី១ និងទី២ ​រឿង The Idol ទទួលបាននូវមតិរិះគន់យ៉ាងច្រើនពីទស្សនិកជនលើឈុតឆាកស្រើបស្រាល ក្បាច់រាំសិចស៊ីហួសពេក និងខ្លឹមសារសាច់រឿង ដែលអ្នកទស្សនាមិនអាចរៀនសូត្រអ្វីបាន។

ដោយឡែកចំពោះភាគទី៣ ដែលទើបចេញផ្សាយកាលពីថ្ងៃទី១៨ កន្លងទៅ ហាក់ទទួលបានមតិ​វិជ្ជមានជាងមុន ស្របពេលដែល Jennie គឺជាមូលហេតុដែលនាំឱ្យមានការប្រតិកម្មប្រសើរឡើង។  ត្បិតភាគទី៣ នៅតែមានឈុតរាំរែកសិចស៊ី និងកាយវិការមិនសក្តិសមចំពោះក្មេងក្រោម ១៨ឆ្នាំពិតមែន ប៉ុន្តែការសម្ដែងរបស់សមាជិក Blackpink បានធ្វើឱ្យអ្នកនិយមលេងអ៊ីនធឺរណិតលាន់មាត់សរសើរ។

មតិអ្នកនិយមលេងអ៊ីនធឺរណិតបានលើកឡើងថា ក្បាច់រាំរបស់ Jennie មានភាពទាក់ទាញ ខុសប្លែកពីក្បាច់រាំរបស់នាងនៅក្នុងពិភព K-Pop បើទោះបីជាវាសិចស៊ីបន្តិចមែន។ ជាមួយគ្នានោះ ពួកគេបានសរសើរតារាស្រីរូបនេះថា នាងហ៊ានលះបង់សម្ដែងនូវឈុតឆាកដែលប្រថុយប្រថាន ព្រោះក្រោយពេលចេញផ្សាយ ឈុតរបស់នាងអាចទទួលរងការរិះគន់។

សូមទស្សនាឈុតខ្លីខាងក្រោម!

ប្រែសម្រួល៖ សន្យា

ចុចអាន៖ Jennie ទាក់ទាញអ្នកទស្សនា ៣.៦ លាននាក់ ទោះ “The Idol” រងការរិះគន់ថាអាសអាភាស

ចុចអាន៖ Netflix ទម្លាយឈ្មោះតួថ្មីក្នុងរឿង Squid Game វគ្គ ២