ជីវិតកម្សាន្ដ

YoonA រកចំណូលចូលរាប់លានដុល្លារក្នុងមួយឆ្នាំៗ រហូតក្លាយសេដ្ឋិនីមិនដឹងខ្លួន

បានផុស

៣ years មុន

នៅ

ថ្ងៃអង្គារ ២៥ កក្កដា ២០២៣

ដោយ

ជាមួយនឹងអាជីពដ៏រីកចម្រើនក្នុងរឿងភាគកូរ៉េ និងតន្ត្រី Yoona សមាជិកក្រុម Girls’ Generation រកចំណូលបានរាប់លានដុល្លារ ពីការងាររបស់នាងនៅក្នុងឧស្សាហកម្មកម្សាន្តមួយនេះ។ ទ្រព្យសម្បត្តិយ៉ាងច្រើនដែលនាងរកបាន ធ្វើឲ្យតារាស្រីរូបនេះក្លាយជាសេដ្ឋិនីមិនដឹងខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភពបានឲ្យដឹងថា ទ្រព្យសម្បត្តិសុទ្ធរបស់ YoonA អាចឈានដល់ជាច្រើនលានដុល្លារក្នុងឆ្នាំ ២០២៣ ។ប្រភពដដែលបានបង្ហើបថា ទ្រព្យសម្បត្តិរបស់នាងគឺប្រហែល ២០ លានដុល្លារ ដែលភាគច្រើនបានមកពីភាពយន្តដែលរកចំណូលបានខ្ពស់ សកម្មភាពតន្ត្រី និងម៉ាកយីហោក្នុងនាមជាអ្នកធ្វើបទបង្ហាញផ្សេងៗ។ ជាមួយនឹងការងារជាច្រើន ដូច្នេះវាមិនមែនជារឿងចម្លែកទេដែល YoonA គឺជាតារាដែលមានប្រាក់ខែខ្ពស់បំផុតចាប់ពីឆ្នាំ ២០២២ រហូតមកដល់បច្ចុប្បន្ន។

តារាស្រីរូបនេះកំពុងធ្វើការយ៉ាងខ្លាំងក្នុងទីផ្សារប្រទេសចិន ដើម្បីពង្រីកឥទ្ធិពលរបស់នាង។ តារាចិនបានអនុញ្ញាតឲ្យនាងសម្តែងក្នុងរឿងចិន “God of War, Zhao Yun” ហើយរកចំណូលបានប្រហែល ២.៥លានដុល្លារ។ នាងក៏ធ្លាប់បានបង្ហាញខ្លួនក្នុងការផ្សាយពាណិជ្ជកម្មប្រហែល ២៥ ក្នុងឧស្សាហកម្មសម្រស់ និងម៉ូដក្នុងប្រទេសកូរ៉េផងដែរ។

YoonA ក៏បានប្រែក្លាយពីតារាស្រីទៅជាតារាសម្ដែង និងអ្នកធ្វើបទបង្ហាញដ៏ល្អនៅក្នុងឧស្សាហកម្មកម្សាន្ត ដែលបានបង្ហាញពីភាពប៉ិនប្រសប់របស់នាងតាមរយៈការសម្ដែង និងបទពិសោធន៍ជាច្រើនឆ្នាំ។ ប្រាក់ចំណូលសំខាន់ៗជាច្រើនដែលតារាស្រីរូបនេះរកបានគឺបានមកពីការធ្វើការជាមួយប្រេនធំៗជាច្រើនដូចជា Lee Jeans, Crocs, Pandora និង MiuMiu ដែលនាងរកបានច្រើនបំផុតពីការខិតខំប្រឹងប្រែងរបស់នាង។ ហើយនាងត្រូវបានគេរាយការណ៍ថា ទិញអាផាតមិនប្រណីតក្នុងតម្លៃ ២,៥ លានដុល្លារឯណោះ៕