ជីវិតកម្សាន្ដ

Jennie ប៉ើងសំពត់លើឆាកមុខអ្នកគាំទ្រវៀតណាមរាប់ម៉ឺននាក់

បានផុស

២ years មុន

នៅ

ថ្ងៃអង្គារ ១ សីហា ២០២៣

ដោយ

Jennie សមាជិកក្រុម BLACKPINK បានជួបឧបទ្ទវហេតុលើឆាកក្នុងការប្រគំតន្ត្រីនៅទីក្រុងហាណូយ កាលពីល្ងាចថ្ងៃទី ២៩ កក្កដា ខណៈពេលកំពុងសំណេះសំណាលជាមួយអ្នកគាំទ្រវៀតណាមរាប់ម៉ឺននាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីពេលថ្មីៗនេះ អ្នកលេងអ៊ីនធឺណិតបានចែករំលែកឃ្លិបមួយរបស់ Jennie ច្រៀងយ៉ាងសប្បាយរីករាយ និងឆ្លើយឆ្លងជាមួយអ្នកគាំទ្រនៅគែមឆាក បន្ទាប់ពីការប្រគំតន្ត្រីបានបញ្ចប់។ ភ្លាមៗនោះ សំពត់របស់នាងស្រាប់តែប៉ើងចេញខណៈពេលដែលនាងឈរក្នុងទីតាំងមួយដោយមានកង្ហារបក់ខ្លាំង ហើយមិនអាចគ្រប់គ្រងខ្យល់បាន ទើបផ្នែកម្ខាងនៃសំពត់ខ្លីរបស់នាងហោះឡើងមកទល់មុខអ្នកទស្សនារាប់ម៉ឺននាក់។

យ៉ាងណាមិញ ដោយសារ Jennie ស្លៀកសំលៀកបំពាក់ការពារពីខាងក្នុងទើបមិនប៉ះពាល់ខ្លាំងពេក។ ក្រោយជួបហេតុការណ៍នេះ តារាចម្រៀងស្រីរូបនេះ បានដោះស្រាយភ្លាមៗ ដោយដើរថយក្រោយ ទាំងទឹកមុខគួរឲ្យស្រលាញ់ និងស្នាមញញឹម ដើម្បីបំបាត់ភាពអាម៉ាស់របស់នាង។ សកម្មភាពរបស់ Jennie បានធ្វើឲ្យអ្នកគាំទ្រវៀតណាមកាន់តែរំភើប និងបន្តហៅឈ្មោះនាងក្នុងអំឡុងពេលប្រគុំតន្ត្រីនៅទីក្រុងហាណូយ។

សូមរម្លឹកថា Born Pink គឺជាដំណើរទេសចរណ៍ពិភពលោកលើកទី ២ របស់ BLACKPINK ដែលបានចាប់ផ្តើមនៅល្ងាចថ្ងៃទី១៥ខែតុលា ឆ្នាំ ២០២២ នៅទីក្រុងសេអ៊ូល ប្រទេសកូរ៉េ ជាមួយនឹងគោលដៅចំនួន ៦៤ ជុំវិញពិភពលោក។ Born Pink បានបំបែកឯតទគ្គកម្មជាបន្តបន្ទាប់ ដែលបានក្លាយជាដំណើរទេសចរណ៍ដ៏ជោគជ័យបំផុតគ្រប់ពេលដោយក្រុមចម្រៀងស្រី។ យោងតាមស្ថិតិពីអង្គភាពស្ថិតិចំណូលទេសចរណ៍ Touring Data ដំណើរកម្សាន្តបាននាំមកនូវប្រាក់ចំណូលចំនួន ៧៨.៥ លានដុល្លារអាមេរិក ជាមួយនឹងសំបុត្រចំនួន ៣៦៦,២៤៨ ត្រូវបានលក់ដោយមានតែ ២៦កម្មវិធីដំបូងប៉ុណ្ណោះ៕