ជីវិតកម្សាន្ដ

ស្ងាត់ៗ ! សុគន្ធ នីសា និងស្វាមី ដឹកដៃគ្នាឡើងយន្តហោះចេញទៅអាមេរិក

បានផុស

៣ years មុន

នៅ

ថ្ងៃអង្គារ ៨ សីហា ២០២៣

ដោយ

ដូចដែលប្រភពបានទម្លាយកាលពីថ្មីៗកន្លងទៅ នៅទីបំផុតតារាចម្រៀងសំនៀងស្រទន់មនោសញ្ចេតនា អ្នកនាង សុគន្ធ នីសា បានឡើងយន្តហោះជាមួយស្វាមីចេញទៅទឹកដីសហរដ្ឋអាមេរិក តាមគម្រោងរបស់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដំណើរចេញទៅសហរដ្ឋអាមេរិករបស់តារាចម្រៀងអ្នកនាង សុគន្ធ នីសា និងស្វាមី លើកនេះ មិនទាន់មានការបញ្ជាក់ទេថា ជាដំណើរកម្សាន្តលំហែរឹតចំណងស្នេហ៍ ឬ ដើម្បីបំពេញការងារចាំបាច់អ្វីមួយ។ អ្នកនាង សុគន្ធ នីសា និងស្វាមី កាលអំឡុងឆ្នាំ ២០២១ កន្លងទៅ នាងក៏បានចេញទៅអាមេរិក តាមស្វាមីរយៈពេលជាងមួយខែផងដែរ។

នៅលើគណនីហ្វេសប៊ុករបស់តារាសម្ដែងស្រី កញ្ញា ណាក់ ស្រីណា បានបង្ហោះដំណឹង នៃការចាកចេញរបស់ សុគន្ធ នីសា និងស្វាមី ទៅដឹកដីអាមេរិកថា «សូមធ្វើដំណើរសុខសប្បាយៗ ណាបងទាំង ២ ជួបគ្នាឆាប់នៅទីនោះ USA»។ នាងបន្ថែមថា «សូមអរគុណបងប្អូនទាំងអស់គ្នាសម្រាប់ការជូនពរទៅកាន់បងស្រី សុគន្ធ នីសា»។

ថ្វីត្បិតតែយ៉ាងនេះក្ដីនៅមិនទាន់មានការបញ្ជាក់ពីដំណើរចាកចេញទៅអាមេរិករបស់អ្នកទាំងពីរក្នុងគោលបំណងអ្វីឡើយ ខណៈមានខ្លះសង្ស័យថា សុគន្ធ នីសា អាចយកពេលសម្រាកពីសិល្បៈមួយរយៈដើម្បីបំពេញក្ដីស្រមៃធំ គឺ យកកូនក្នុងឆ្នាំនេះក៏ថាបាន។ សូមបញ្ជាក់ដែរថា គិតមកដល់ពេលនេះ តារាចម្រៀងចាស់វស្សាអ្នកនាង សុគន្ធ នីសា និងស្វាមី លោក ចៅ សម្បត្តិ បានរៀបអាពាហ៍ពិពាហ៍មានរយៈពេលជិត ៦ ឆ្នាំ មកហើយ។

តារាចម្រៀងសំនៀងស្រទន់អ្នកនាង សុគន្ធ នីសា ក៏ត្រូវបានគេដឹងថា នាងមានវ័យកាន់តែច្រើនហើយ ប៉ុន្តែរឿងដែលចាប់អារម្មណ៍ថែមទៀតនោះ ថ្វីត្បិត នីសា ឆ្លងវ័យចូលជិត ៤០ ឆ្នាំ ទៅហើយ តែតារារូបនេះនៅតែរក្សាបានការគាំទ្រ។ ចំណែករឿងម្យ៉ាងទៀត នាងមិនទាន់សម្រេចបំណងសំខាន់មួយដល់ស្វាមីក្នុងការមានកូននៅឡើយទេ៕

អត្ថបទ ៖ ចាន់រ៉ា