ជីវិតកម្សាន្ដ

ក្រោយទស្សនិកជនថាឈ្លើយដាក់ Park Bo Young តារាសម្ដែង Park Seo Joon ចេញមុខបញ្ជាក់ការពិត

បានផុស

៣ years មុន

នៅ

ថ្ងៃអង្គារ ៨ សីហា ២០២៣

ដោយ

តារាសម្តែង Park Seo Joon ទទួលរងការរិះគន់យ៉ាងដំណំពីសំណាក់ទស្សនិកជន ក្រោយលោកបានបដិសេធមិនពាក់បូសក់ដែលអ្នកគាំទ្រម្នាក់ប្រគល់ឲ្យ Park Bo Young ខណៈនាងផ្តល់ជូនបន្តនៅឯការបញ្ចាំងភាពយន្តសម្រាប់ Concrete Utopia។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានោះ អ្នកនិយមលេងអ៊ីនធឺណិតបានបញ្ចេញមតិថា គាត់មានចរិតឈ្លើយនិងមិនយកចិត្តទុកដាក់ចំពោះ Park Bo Young។ អ្នកខ្លះទៀតបាននិយាយថា យ៉ាងហោចណាស់គាត់អាចកាន់បូក្នុងដៃ។ ម៉្យាងវិញទៀត អ្នកលេងអ៊ីនធឺណេតខ្លះ បានចេញមុខការពារតារារូបនេះ ហើយថាការរិះគន់ថា នេះគឺដើម្បីអ្វី?

ទោះយ៉ាងណាក៏ដោយ កាលពីថ្ងៃទី ០៧ ខែសីហា តួឯកប្រុសក្នុងរឿង “itaewon class” បានចេញមុខដោយសរសេរពាក្យសុំទោសចំពោះអ្នកគាំទ្ររបស់គាត់ ដែលប្រហែលជាមានការអាក់អន់ចិត្តចំពោះភាពចម្រូងចម្រាសថ្មីៗជុំវិញរឿងរ៉ាវនេះ។

លោកបានលើកឡើងអំពីឧប្បត្តិហេតុដោយពន្យល់ថា “ការពិត ខ្ញុំបែកញើសច្រើនពេលស្វាគមន៍លើឆាក។ អ្នកគាំទ្រខ្លះចូលចិត្តសក់របស់ខ្ញុំ។ នៅពេលនោះខ្ញុំបានបាញ់ថ្នាំការពារសក់និងលេងម៉ូដផងដែរ។ ប្រសិនបើមានអ្វីមួយដាក់លើក្បាលរបស់ខ្ញុំ វានឹងធ្វើឲ្យម៉ូដសក់ខូចលែងស្អាតដូចមុនមិនខាន”។

តារាសម្ដែងកូរ៉េរូបនេះបាននិយាយបន្ថែមទៀតថា “វាអាចស្តាប់ទៅដូចជាលេស ប៉ុន្តែខ្ញុំប្រាកដថាអ្នកដឹងថា ជាធម្មតាខ្ញុំមិនស្ទាក់ស្ទើរក្នុងការធ្វើរឿងនេះ តួយ៉ាងដូចជាការពាក់បូ។ មនុស្សជាច្រើនបាននិយាយថា វាប្រហែលជារឿងអាម៉ាស់សម្រាប់ Bo Young ដែលឈរនៅទីនោះកាន់បូ ប៉ុន្តែខ្ញុំមិនបានគិតថាវត្ថុនោះជារបស់ខ្ញុំទេ។ ខ្ញុំគិតថាវាជាអំណោយរបស់ Bo Young ពីអ្នកគាំទ្ររបស់ Bo Young ហើយថាប្រសិនបើខ្ញុំយកវា ពួកគេប្រហែលជាអាក់អន់ចិត្ត។ ខ្ញុំគិតថាមានការយល់ខុសទាំងស្រុង”។

យ៉ាងណាមិញ លោកក៏បានចែករំលែកថា Park Bo Young បានសម្តែងការសោកស្ដាយចំពោះឧបទ្ទវហេតុកាលពីម្សិលមិញ ហើយថាគាត់បានប្រាប់នាងកុំឲ្យសោកស្តាយ និងធ្វើកាលវិភាគដែលនៅសល់ឲ្យបានល្អជាមួយគ្នា។
ក្នុងនោះ Park Seo Joon ក៏បានសុំទោសចំពោះភាពចម្រូងចម្រាសផ្សេងទៀតជុំវិញសេវាកម្មអ្នកគាំទ្ររបស់គាត់ ដូចជាឧបទ្ទវហេតុដែលអ្នកគាំទ្របានឱបគាត់ដោយគ្មានការយល់ព្រម និងការមិនចង់ធ្វើសញ្ញាបេះដូង។ គាត់បានអរគុណអ្នកគាំទ្ររបស់គាត់ ហើយបានប្រាប់ពួកគេថា ដោយសារពួកគេ គាត់មិនខ្លាចអ្វីទាំងអស់។ លោកក៏បានបញ្ចប់ការសុំទោសប្រាប់អ្នកគាំទ្រឲ្យមើលថែខ្លួនឯង និងប្រាប់ពួកគេថាលោកស្រឡាញ់ពួកគេ៕