ជីវិតកម្សាន្ដ

Miss Grand កុយ អេនណា ឆ្លើយតប ក្រោយរងការរិះគន់លើរូបសម្បត្តិ

បានផុស

២ years មុន

នៅ

ថ្ងៃចន្ទ ១៤ សីហា ២០២៣

ដោយ

ក្រោយរងការរិះគន់លើរូបសម្រស់ពីអ្នកគាំទ្រមួយចំនួនក្នុងការបង្ហាញខ្លួនវគ្គហែលទឹក កាលពីថ្មីៗនេះ កញ្ញា កុយ អេនណា បានចេញមុខឆ្លើយតបដោយចិត្តត្រជាក់ ខណៈនាងត្រៀមខ្លួនជាស្រេច ដើម្បីដណ្ដើមជ័យលាភី Miss Grand Cambodia 2023។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អំឡុងស្រីស្អាត កុយ អេនណា បង្ហាញខ្លួនប្រឡង Miss Grand Cambodia 2023 ស្រាប់តែថ្មីៗនេះ នាងបានរងការរិះគន់សើចចំអកពីបុគ្គលមួយចំនួនទៅវិញ។ តតាំងការរិះគន់នេះ បវរកញ្ញា កុយ អេនណា បានឆ្លើយតបដោយចិត្តត្រជាក់ថា «កើតមកជើងធំ រូបរាងធំល្អ មិនមែនជាកំហុស អ្វីដែលខុសត្រង់ថា បើយើងនៅតែយកពាក្យសម្ដីអ្នកដែលគេ bully ហើយកើតទុក្ខខូចចិត្តម្នាក់ឯងនោះ បានវាខុស»។

កុយ អេនណា បន្ថែមថា «តែបើយើងយកពាក្យទាំងអស់នោះមកកែប្រែខ្លួនឯង នោះទើបវាជារឿងមួយដ៏ល្អ ហើយមានន័យសម្រាប់ខ្លួន យើងអរគុណសម្រាប់ការ bully រូបនាងខ្ញុំ នាងខ្ញុំនឹងស៊ូឲ្យដល់ទីបញ្ចប់»។

ជាមួយគ្នា នៃការលេចវត្តមានចូលរួមប្រកួតដណ្ដើមមកុដរបស់ស្រីស្អាតតំណាងខេត្តក្រចេះ កញ្ញា កុយ អេណា នេះដែរ ក៏មានអ្នកគាំទ្រខ្លះទៀតលើកឡើងដោយមើលឃើញពីសមត្ថភាព និងរូបសម្រស់នាងផងដែរ។

គួរជម្រាបថា កញ្ញា កុយ អេនណា បច្ចុប្បន្នជាបេក្ខភាពម្នាក់ ក្នុងចំណោមបេក្ខភាពឯទៀត ដែលកំពុងត្រៀមខ្លួនក្នុងការប្រកួត Miss Grand Cambodia 2023 ដ៏លេចធ្លោម្នាក់ ចំណោមបេក្ខភាពចំនួន ២៥ រូប។ បេក្ខភាព Miss Grand រូបនេះ ចេញមកតំណាងឲ្យខេត្តក្រចេះ៕

អត្ថបទ ៖ ចាន់រ៉ា