ជីវិតកម្សាន្ដ

កម្របានឃើញសម្រស់ Song Hye Kyo នៅអាយុ ២០ ឆ្នាំ

បានផុស

៣ years មុន

នៅ

ថ្ងៃព្រហស្បតិ៍ ៣១ សីហា ២០២៣

ដោយ

ចូលប្រឡូកក្នុងវិស័យសិល្បៈអស់រយៈពេលជាង២៥ ឆ្នាំ Song Hye Kyo បានបន្សល់ទុកនូវកេរ្តិ៍ឈ្មោះរបស់នាងនៅក្នុងរឿងភាគទូរទស្សន៍ដ៏ពេញនិយមជាច្រើន។ ក្រៅពីនេះ នាងក៏ទទួលបានជោគជ័យនៅបរទេស ដោយរួមបញ្ចូលជាមួយតារាក្នុងបញ្ជី A របស់ចិន ក្នុងគម្រោងភាពយន្តមួយចំនួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយសារកេរ្តិ៍ឈ្មោះ និងកិត្យានុភាពដែលបានកសាងឡើងអស់ជាច្រើនទស្សវត្សរ៍មក Song Hye Kyo ពេលនេះបានក្លាយជាតារាដ៏ធំមួយ ដែលត្រូវបានស្វែងរកដោយប្រព័ន្ធផ្សព្វផ្សាយ និងទស្សនិកជនគ្រប់ទីកន្លែង។

ក្នុងនោះមានព័ត៌មានតូច-ធំអំពីនាង តែងតែទទួលបានការចាប់អារម្មណ៍យ៉ាងខ្លាំង រាល់ពេលដែលត្រូវបានផ្សព្វផ្សាយ។ ថ្មីៗនេះ ទស្សនិកជនបានចែករំលែករូបថតមួយឈុតរបស់ Song Hye Kyo កាលពី ២២ ឆ្នាំមុន។ សម្រស់របស់តារាស្រ្តីត្រកូល Song ធ្វើឲ្យមនុស្សជាច្រើនសម្រុកចូលមកបញ្ចេញមតិព្រោងព្រាត។

ត្រលប់ទៅកាន់ឆ្នាំ ២០០១ ក្មេងស្រីអាយុ ២០ ឆ្នាំ Song Hye Kyo មានឱកាសចូលរួមក្នុងព្រឹត្តិការណ៍សាធារណៈមួយ។ នៅពេលនេះ ឈ្មោះរបស់នាងកំពុងតែល្បីជាមួយនឹងរឿង Autumn in My Heart ឬ សរទរដូវក្នុងបេះដូង” សម្ដែងជាមួយ Won Bin, Song Seung Hun ។

នៅក្នុងរូបភាពដែលថតដោយអ្នកថតរូប Amin Lee នោះ Song Hye Kyo ចាប់អារម្មណ៍ជាមួយនឹងសម្រស់ដ៏ល្អឥតខ្ចោះ និងសភាពស្រស់ស្រាយរបស់នាង។ តារាស្រីរូបនេះបានតុបតែងមុខបែបស្រាលៗ បង្ហាញទម្រង់មុខចុះសម្រុងគ្នាតាមរយៈរូបថតស្និទ្ធស្នាល។ ម៉ូដសក់ក្រងទាំងសងខាងជាម៉ូដសក់ដ៏ស្អាតរបស់ Song Hye Kyo ក្នុងរូបរាងនេះ។

ទោះយ៉ាងណា រូបថតមួយសន្លឹកខាងលើបានធ្វើឲ្យពេញបណ្ដាញសង្គមជជែកគ្នាព្រាតបន្ទាប់ពីវាទទួលបានភាពល្បីខ្លាំង។ នៅក្នុងនោះ ទស្សនិកជនបានទទួលស្គាល់ថា Song Hye Kyo មាន “សម្រស់ពងមាន់” នៅលើប្រព័ន្ធ Kbiz ។ ត្បិតថា២២ឆ្នាំបានកន្លងផុតទៅ ប៉ុន្តែសម្រស់របស់នាងក៏មិនប្រែប្រួលខ្លាំង នាងនៅតែស្អាតទៅតាមពេលវេលាដដែល៕