Connect with us

ជីវិតកម្សាន្ដ

ធ្លាយដំណឹងថា តារាបាល់ទាត់ Son Heung Min ត្រៀមរៀបការជាមួយ Moon Ga Young

បានផុស

នៅ

វា​បាន​ក្លាយ​ជា​ពាក្យ​ចចាមអារ៉ាម​ដែល​បាន​អង្រួន​បណ្តាញ​សង្គម​កូរ៉េជាថ្មីម្ដងទៀត ជាមួយនឹងព័ត៌មានថា Son Heung Min កីឡាករ​បាល់ទាត់​របស់ក្លឹបមាន់ខ្នាយមាស Tottenham Hotspur បច្ចុប្បន្ន​កំពុង​រៀបចំ​ពិធី​មង្គលការ​ជាមួយ​តារា​សម្តែង​ដ៏​ល្បី Moon Ga Young ។

ពាក្យចចាមអារ៉ាមនេះបានកើតឡើងនៅពេលដែលគណនី Twitter មួយដែលមានឈ្មោះថា kkvnoi បានបង្ហោះសារអះអាងថា Son Heung Min កំពុងរៀបចំរៀបការជាមួយតារាសម្ដែង Moon Ga Young ។ ក្រោយមក សំណេរមួយនោះត្រូវ​បាន​លុប​ចោល​ភ្លាមៗ ដែលបង្ក​ឲ្យមាន​ការ​សង្ស័យ​ក្នុង​ចំណោម​អ្នក​លេង​អ៊ីនធឺណិតជាច្រើន។

លើសពីនេះទៀតដែរ Tweet ដែលត្រូវបានលុបឥឡូវនេះបានទាក់ទាញអ្នកចូលមើលជិត ១ លានដង និងបង្កឲ្យមានការសន្ទនាដ៏ធំក្នុងចំណោមអ្នកនិយមលេងអ៊ីនធឺណិតកូរ៉េ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដំណឹង​នេះ​ហាក់​ដូច​ជា​អាច​ជឿ​ជាក់​ជាង​មុន។ បន្ទាប់ពីអ្នករាយការណ៍ដ៏ល្បី Park Jung Ho ថ្មីៗនេះបានបង្ហើបប្រាប់ពីអាពាហ៍ពិពាហ៍ជិតមកដល់របស់គូស្នេហ៍ដ៏ល្បីមួយគូ និងអត្តពលិកកូរ៉េធំម្នាក់។ តម្រុយនេះបានធ្វើឲ្យអ្នកនិយមលេងអ៊ីនធឺណិតភ្ជាប់ចំណុច​ ហើយចង្អុលទៅអ្នកណាក្រៅពី Son Heung Min ខណៈ Moon Ga Young ត្រូវបានគេចាប់បាននៅនឹងកន្លែង ដោយសារតែនាងធ្លាប់រស់នៅក្នុងប្រទេសអាល្លឺម៉ង់ និងអាចនិយាយភាសាអាល្លឺម៉ង់បានយ៉ាងស្ទាត់ជំនាញ ដែលស្របតាមប្រវត្តិរបស់ Son Heung Min ។

ដោយឡែក កាលពិពេលថ្មីៗនេះ Son Heung Min បានបញ្ចេញមតិដំបូង ចំពេលមានពាក្យចចាមអារ៉ាមថារៀបការ។ យ៉ាង​ណា​មិញ លោក​មិន​បាន​បង្ហាញ​ព័ត៌មាន​លម្អិត​អំពី​ជីវិត​ផ្ទាល់​ខ្លួន​របស់​លោក​ឡើយ។ ផ្ទុយទៅវិញ កីឡាករ​បាល់ទាត់​ជម្រើស​ជាតិ​នៃ​ក្លឹបមាន់ខ្នាយមាស Tottenham Hotspur រូបនេះបែរផ្តោតលើប្រធានបទបាល់ទាត់ទៅវិញ។

Son Heung-min បាននិយាយនៅក្នុងបទសម្ភាសន៍មួយកាលពីថ្ងៃទី ២៨ ខែតុលាកន្លងមកថា “សូម្បីតែនៅរដូវកាលមុនៗ ខ្ញុំ​ត្រូវ​ស៊ូទ្រាំ​នឹង​រឿង​ជាច្រើន ខ្ញុំ​នៅ​តែ​រីករាយ​នឹង​ការ​លេង​បាល់​ទាត់។ ដោយសារតែបាល់ទាត់គឺជាជីវិតរបស់ខ្ញុំ រដូវកាលនេះខ្ញុំសប្បាយចិត្តខ្លាំងណាស់ដែលបានលេងក្នុងកម្រិតខ្ពស់បំផុតក្នុងទីតាំងប្រយុទ្ធ និងរកគ្រាប់បាល់បាន” ។

ពីសេចក្តីថ្លែងការណ៍ថ្មីៗនេះរបស់ Son Heung Min អ្នកគាំទ្រអាចសន្និដ្ឋានថាគាត់កំពុងលះបង់ពេលវេលាទាំងអស់របស់គាត់ដើម្បីបាល់ទាត់។ នេះធ្វើឲ្យអនាគតនៃអាពាហ៍ពិពាហ៍ហាក់ដូចជាមិនទំនងនៅពេលនេះ។​ អ្នកគាំទ្រជាច្រើនរបស់លោក ក៏បានបញ្ជាក់ផងដែរថា Idol របស់ពួកគេនឹងពិចារណាលើការរៀបការនៅពេលដែលគាត់បានចូលនិវត្តន៍ ដែលត្រូវបាននិយាយកាលពីប៉ុន្មានខែមុន។

ទោះយ៉ាងណាក៏ដោយ ព័ត៌មានចុងក្រោយនេះបានធ្វើទស្សនិកជនចាប់អារម្មណ៍ខ្លាំង ព្រោះវាជាលើកដំបូងដែល Son Heung Min មានពាក្យចចាមអារ៉ាមថានឹងរៀបការជាមួយតារាកូរ៉េ៕

ប្រែសម្រួល៖ សាង ស្រីល័ក្ខ

ចុចអាន៖ធ្លាយដំណឹងថា តារាបាល់ទាត់ Son Heung Min ត្រៀមរៀបការជាមួយ Moon Ga Young

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៥ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៤ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម