ជីវិតកម្សាន្ដ

ខាត់ សុឃីម ៖ ភាពស្មោះត្រង់ និងជឿជាក់លើទង្វើល្អ ទេវតាមិនមើលរំលងទេ

បានផុស

១១ ខែ មុន

នៅ

ថ្ងៃពុធ ១៤ សីហា ២០២៤

ដោយ

តារាពហុជំនាញលេងបានគ្រប់ទម្រង់សិល្បៈ ទាំងបុរាណ-សម័យ និងកំប្លែង អ្នកនាង ខាត់ សុឃីម បានចេញមកបំផុសដល់អ្នកគាំទ្រ និងមហាជន ថា ភាពស្មោះត្រង់ និងការជឿជាក់លើទង្វើល្អគឺ ទេវតាមិនមើលរំលងយើងទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីយ៉ាងណា អ្នកនាង ខាត់ សុឃីម បច្ចុប្បន្នត្រូវបានគេកត់សម្គាល់ថា នាងជាតារាស្រីពហុជំនាញរបស់ខ្មែរមួយរូបដែលកំពុងតែទទួលបានផ្លែផ្កាជោគជ័យលើមុខជំនួញផ្ទាល់ខ្លួនក៏ដូចជាអាជីពសិល្បៈទាំងសម័យ និងបុរាណជាដើម។

ដោយឡែក ស្របពេលដែលនាងកំពុងតែជោគជ័យខ្លាំងលើមុខជំនួនផ្ទាល់ខ្លួនក៏ដូចជាអាជីពសិល្បៈនេះដែរ តារាស្រីពហុជំនាញល្បីឈ្មោះ អ្នកនាង ខាត់ សុឃីម បានទម្លាយខ្លឹមសារបំផុសដូច្នេះថា “អ្នកល្អ អ្នកស្មោះត្រង់ អ្នកមានចិត្តអំណត់ទេវតាមិនមើលរំលងអ្នកទេ សូមជឿជាក់លើទង្វើល្អរបស់អ្នកមិនមែនពេលនេះតែថ្ងៃមួយអ្វីៗនឹងល្អប្រសើរ“។

ជាមួយគ្នានៃការលើកឡើងរបស់តារាស្រីអ្នកនាង ខាត់ សុឃីម បានធ្វើអ្នកឲ្យគាំទ្រនាងជាច្រើនយល់ថា ជារឿងដ៏ល្អសម្រាប់យើងគ្រប់គ្នាដោយក្នុងនោះក៏មានការលើកឡើងដែរថា ខាត់ សុឃីម តែងតែផ្តល់ភាពជាគំរូដល់អ្នកសិល្បៈព្រមទាំងអ្នកគាំទ្រដទៃទៀតផងដែរ។

អ្នកនាង ខាត់ សុឃីម សម្រាប់អាជីពសិល្បៈរបស់នាងបច្ចុប្បន្នកំពុងមមាញឹកនៅតាមបណ្តាកម្មវិធីមង្គលការមួយចំនួន ហើយនាងក៏នៅតែរក្សាបានសន្ទុះនៃការគាំទ្រ និងប្រជាប្រិយភាពខ្លាំងមិនចាញ់អ្នកសិល្បៈរួមជំនាន់ឡើយ៕

អត្ថបទ៖ ចាន់រ៉ា