ជីវិតកម្សាន្ដ

Boy Pakorn ប្រកាសផ្ដាច់ចំណងជាមួយថៅកែ Icon Group ដែលរកស៊ីលើកម្លាំងញើសឈាមអ្នកដទៃ

បានផុស

៥ ខែ មុន

នៅ

ថ្ងៃពុធ ១៦ តុលា ២០២៤

ដោយ

តារាសម្តែងថៃ លោក Boy Pakorn បានផ្តល់សេចក្តីថ្លែងការណ៍ទៅកាន់ក្រុមស៊ើបអង្កេតនៃនាយកដ្ឋានប្រឆាំងបទល្មើសសេដ្ឋកិច្ច ក្នុងសំណុំរឿងដែលខ្លួនបានធ្វើជាពិធីករឲ្យក្រុមហ៊ុន The Icon Group ថា ចាប់ពីពេលនេះតទៅលោកគ្មានការពាក់ព័ន្ធជាមួយមេធំនេះទៀតទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈការផ្ដល់បទសម្ភាសន៍ដល់អ្នកសារព័ត៌មានដែលកំពុងរង់ចាំ តារាសម្ដែងថៃរូបនេះបាននិយាយថា ដោយសារតែបញ្ហានេះចាបញ្ហាធំខ្លាំង ដូច្នេះវាត្រូវចំណាយពេលយូរដើម្បីផ្តល់ភស្តុតាង ព្រោះខ្ញុំឡើងទៅធ្វើរឿងជាច្រើន ទាំងការរកភស្តុតាង រួមជាមួយលិខិតកិច្ចសន្យាផ្សេងៗត្រូវបានផ្ញើ កិច្ចសន្យាការងារទាំងពីរ និងលិខិតកិច្ចសន្យាស្នើសុំលុបចោលកិច្ចសន្យាការងារ ហើយត្រូវបានកត់ត្រាជារៀងរាល់ថ្ងៃ រួមជាមួយនឹងការរាយការណ៍បញ្ហាក្នុងករណីរបស់អ្នកផ្ទាល់។

លោក Boy Pakorn បានបញ្ចាក់ទៀតថា កាលពីមុន ទាំងលោកនិងថៅកែ Icon Group តែងតែបានជួបគ្នានៅកន្លែងធ្វើការ ឬដើរតាមខាងក្រៅជួបគ្នាដោយចៃដន្យ ពួកយើងអាចរាក់ទាក់គ្នាក្នុងនាមជាអ្នកស្គាល់។ ប៉ុន្តែចាប់ពីពេលនេះតទៅ កុំឲ្យមានការពាក់ព័ន្ធអ្វីទាំងអស់។

លើសពីនេះទៀតដែរ តួប្រុសស្ថិតក្រោមទ្រនំប៉ុស្តិ៍លេខ៣ថៃបានបញ្ចាក់ទៀតថា ចំពោះអ្នកពាក់ព័ន្ធនឹងបញ្ហានេះមិនថាជាតារាឬអ្នកណាទេ សូមទៅបញ្ជាក់ការពិតតាមច្បាប់។ មនុស្សគ្រប់គ្នាដឹងដោយបេះដូង អ្វីដែលអ្នករាល់គ្នាបានធ្វើហើយបានលុយដោយស្រួលៗ នោះគឺសុទ្ធតែទុក្ខរបស់អ្នកដទៃទាំងអស់។

យ៉ាងណាក៏ដោយ កាលពីប៉ុន្មានថ្ងៃមុន តារាសម្ដែងថៃ Min Pechaya បានចេញមុខសុំទោសមហាជនទាំងទឹកភ្នែកជោគថ្ពាល់ ក្នុងពេលដែលនាងមិនបានធ្វើការស្រាវជ្រាវឲ្យហ្មត់ចត់មុនពេលផ្សព្វផ្សាយ The iCon Group ជាក្រុមហ៊ុនមួយកំពុងស្ថិតនៅក្រោមការស៊ើបអង្កេត ពីបទក្លែងបន្លំ ព្រមទាំងត្រូវគេរាយការណ៍ថាបានជំរុញឲ្យមនុស្សជាច្រើនក្ស័យធន។ ព្រមជាមួយគ្នានោះដែរ សូម្បីតែតារាប្រុសលោក Kan Kantathavorn ក៏បានបញ្ចប់តួនាទីជាពិធីករគ្រប់កម្មវិធីក្រោមហេតុផលឲ្យប៉ូលិសស៊ើបអង្កេតឲ្យបានច្បាស់លាស់សិន៕