តារាចម្រៀង Lim Jae Wook ទទួលមរណភាព នៅអាយុ៣៧ ឆ្នាំ

កាលពីថ្ងៃទី ៧ ខែកញ្ញា ក្រុមចម្រៀង The Stray បានប្រកាសព័ត៌មានតាមរយៈប៉ុស្តិ៍ផ្លូវការរបស់ពួកគេដោយនិយាយថា អ្នកលេងហ្គីតា និងសមាជិកលោក Lim Jae Wook បានទទួលមរណភាពនៅអាយុ៣៧ឆ្នាំ បន្ទាប់ពីប្រយុទ្ធជាមួយជំងឺអស់រយៈពេលជាយូរមកហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមាជិក​ទាំង​នោះ​បាន​ចែក​រំលែក​ទុក្ខ​ព្រួយ​របស់​ពួក​គេ​ដោយ​លើក​ឡើង​ថា «យើង​ទាំង​ប្រាំ​នាក់​ដែល​បាន​ចាប់​ផ្តើម​ក្រុម​នេះ​បាន​ប្រមូល​ផ្តុំ​គ្នា ​ដើម្បី​បញ្ជូន​គាត់​ទៅ​លើ​ដំណើរ​ចុង​ក្រោយ​របស់​គាត់។ ឥឡូវ​នេះ យើង​ចង់​រក្សា​គាត់​ឲ្យបាន​ជ្រៅ​ក្នុង​ចិត្ត​របស់​យើង»។

ពួកគេ​បាន​បន្ត​ថា ទោះ​បី​ជា​ពេល​ប្រយុទ្ធ​នឹង​ជំងឺ​ក៏​គាត់​មិន​ដែល​បាត់​បង់​ភាព​រីករាយ​ដែរ ហើយ​បាន​ក្លាយ​ជា​ការ​គាំទ្រ​យ៉ាង​ខ្លាំង​សម្រាប់​យើង​ទាំង​អស់​គ្នា​ជាមួយ​នឹង​តន្ត្រី​ដ៏​កក់ក្តៅ​របស់​គាត់​។ សូម​បួង​សួង​ឲ្យ​គាត់​បាន​សម្រាក​ដោយ​សន្តិវិធី​រួច​ផុត​ពី​ការ​ឈឺ​ចាប់។

ពួកគេបានបន្ថែមថា យើងនឹងចងចាំជារៀងរហូតនូវពេលវេលាដែលយើងសើច និងយំជាមួយគ្នា នៅពេលចែករំលែកតន្ត្រី។ សាច់ភ្លេង និងក្តីស្រលាញ់ដែលគាត់បានបន្សល់ទុក នឹងបន្តដក់ជាប់ក្នុងចិត្ត និងនៅក្នុងបេះដូងអ្នកគាំទ្ររបស់យើង។

គួរបញ្ចាក់ដែរថា The Stray បានបង្ហាញខ្លួនជាលើកដំបូងក្នុងឆ្នាំ ២០១៤ ជាមួយនឹងបទចម្រៀងឌីជីថលរបស់ពួកគេ «Though You’re Gone» ហើយទទួលបានការទទួលស្គាល់ជាមួយនឹងបទចម្រៀងដូចជា «You, You» និង «Moon» ។ ក្រុម​នេះ​គ្រោង​នឹង​រៀបចំ​ការ​ប្រគំ​តន្ត្រី​ទោល​របស់​ពួក​គេ «The Stray» នៅ​ថ្ងៃ​ទី ១៤ ខែ​កញ្ញា៕

អត្ថបទ៖ សាង ស្រីល័ក្ខ

ចុចអាន៖សំងំព្យាបាលផ្លូវចិត្តមួយ​រយៈ ទស្សនិកជនស្ទើរតែមើល Park Bom លែងចង់ស្គាល់