ចៃដន្យណាស់! ម្ចាស់មកុដ MUC2025 ធ្លាប់កាន់​ទង់ជាតិសៀម ក្នុងព្រឹត្តិការណ៍ Asean Paragame

ពិតជារឿងមួយដែលចៃដន្យបំផុត ខណ:ដែលថ្មីៗនេះ មានការចែករំលែកឡើងវិញនូវឃ្លីបវីដេអូមួយដែលបង្ហាញសកម្មភាពរបស់ម្ចាស់មកុដ Miss Universe Cambodia 2025 ហ្វីយ៉ាតា​ ធ្លាប់ជាអ្នកកាន់​ទង់ជាតិសៀមអំឡុងពេល កម្មវិធីបើកព្រឹត្តិការណ៍ Asean Paragame នៅលើទឹកដីប្រទេសកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយ:វីដេអូដែលបានចែករំលែកឡើងវិញនេះ បានធ្វើឲ្យមហាជន និងអ្នកគាំទ្រ ពិសេសអ្នកប្រើប្រាស់បណ្តាញសង្គមហ្វេសប៊ុកមានការចាប់អារម្មណ៍ជាខ្លាំង ស្របពេលដែលកាលពីថ្មីៗនេះស្រីស្រស់ ថៃ នារីសុជាតា ហៅ ហ្វីយ៉ាតា ទើបគ្រងតំណែងក្លាយជាម្ចាស់មកុដ Miss Universe Cambodia 2025 ត្រៀមតំណាងកម្ពុជាចេញទៅប្រកួតនៅលើឆាកអន្តជាតិនាប្រទេសថៃ។

ចំពោះរឿងដែលចៃដន្យម្ចាស់មកុដ MUC2025 ហ្វីយ៉ាតា​ ធ្លាប់កាន់​ទង់ជាតិសៀមក្នុងកម្មវិធីបើកព្រឹត្តិការណ៍ asean paragame ត្រូវបានលោកស្រី នៅ សូនីតា អនុប្រធានសមាគមសិល្បករខ្មែរទម្លាយមូលហេតុដូច្នេះថា “ខ្ញុំជាអ្នកជ្រើសរើសគាត់មកដើរកាន់ទង់ជាតិតំណាងប្រទេសក្នុងកម្មវិធីបើកព្រឹត្តិការណ៍ Asean Paragame (អត្តពលិក)។ ខាងក្រុមការងារប្រទេសចិនរៀបចំឲ្យគាត់កាន់ទង់សៀមចៃដន្យណាស់”។

ទោះបីយ៉ាងក៏មានមតិរបស់អ្នកគាំទ្រមួយចំនួនបានបញ្ចេញផ្សេងៗគ្នាជុំវិញរឿងរ៉ាវខាងលើផងដែរ។ ប្រាកដណាស់ នៅក្នុងរាត្រីគ្រងមកុដកម្មវិធីប្រកួត Miss Universe Cambodia 2025 បានរកឃើញម្ចាស់មកុដគឺ ហ្វីយ៉ាតា ដោយនាងត្រៀមខ្លួនដើម្បីតំណាងឲ្យប្រទេសកម្ពុជាចេញទៅប្រកួតនៅលើឆាកអន្តរជាតិនាពេលឆាប់ៗខាងមុខ ខណ:មានមហាជនជាច្រើនបានគាំទ្រនិងលើកទឹកចិត្តនាងផងដែរ៕ ចាន់រ៉ា