ព័ត៌មានអន្ដរជាតិ

លោកស្រី Cheng Li-wun ក្លាយជាមេដឹកនាំគណបក្សប្រឆាំងដ៏ធំបំផុតនៅ តៃវ៉ាន់

បានផុស

៨ ខែ មុន

នៅ

ថ្ងៃអាទិត្យ ១៩ តុលា ២០២៥

ដោយ

គណបក្សប្រឆាំងដ៏ធំបំផុតរបស់តៃវ៉ាន់ គឺគណបក្ស Kuomintang (KMT) បានជ្រើសរើសលោកស្រី Cheng Li-wun ជាមេដឹកនាំថ្មីរបស់ខ្លួន ខណៈលោកស្រីបានសង្កត់ធ្ងន់លើជំហរគាំទ្រចិន ក្នុងអំឡុងពេលយុទ្ធនាការរបស់គាត់។ នេះបើយោងតាមការផ្សាយពីសារព័ត៌មាន NHK នាថ្ងៃទី១៩ ខែតុលា ឆ្នាំ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី Cheng បានឈ្នះការប្រណាំងភាពជាអ្នកដឹកនាំកាលពីថ្ងៃសៅរ៍ទី ១៨ ខែតុលា ដោយទទួលបានសំឡេងគាំទ្រប្រហែល ៥០ ភាគរយ។ ស្ត្រីវ័យ៥៥ឆ្នាំរូបនេះ គឺជាស្ត្រីតែម្នាក់គត់ក្នុងចំណោមបេក្ខជនទាំង៦រូប។ ជាងនេះដែរ លោកស្រីក៏ធ្លាប់ជាសមាជិករបស់គណបក្ស Democratic Progressive ប៉ុន្តែក្រោយមក បានចូលរួមជាមួយបក្ស KMT វិញ។ លោកស្រីបានបម្រើការជាតំណាងរាស្រ្ត និងជាអ្នកនាំពាក្យខុទ្ទកាល័យផងដែរ។

ក្នុងអំឡុងពេលយុទ្ធនាការ មេដឹកនាំថ្មីរូបនេះបានសង្កត់ធ្ងន់ថា លោកស្រីគាំទ្រទំនាក់ទំនងជិតស្និទ្ធរវាងចិន និងតៃវ៉ាន់ ព្រមទាំងប្តេជ្ញាថានឹងកម្ចាត់គណបក្ស DPP ដោយបង្រួបបង្រួមកម្លាំងប្រឆាំងដ៏ធំបំផុតដែរ។ ជាពិសេស Cheng Li-wun ថែមទាំងអះអាងថា នឹងព្យាយាមបង្កើតគណបក្ស KMT តៃវ៉ាន់ក្នុងអំឡុងពេលកាន់តំណែងរបស់ខ្លួន ដោយបានបន្ថែមថា គណបក្សនឹងព្យាយាមសម្រេចបាននូវបេសកកម្មដ៏សំខាន់បំផុត ពោលគឺនាំមកនូវទំនាក់ទំនងឆ្លងកាត់ច្រកសមុទ្រដោយសន្តិភាព និងវិបុលភាពទៅវិញទៅមក។

គណបក្ស DPP ដែលមិនអនុគ្រោះដល់ទំនាក់ទំនងជិតស្និទ្ធជាមួយប្រទេសចិន បានកាន់អំណាចនៅតៃវ៉ាន់តាំងពីឆ្នាំ ២០១៦មកម្ល៉េះ ដូច្នេះគណបក្ស Kuomintang បច្ចុប្បន្នគឺជាកម្លាំងដ៏ធំបំផុតនៅក្នុងសភា។

ទោះជាយ៉ាងណា លោកស្រី Cheng ដែលនឹងបម្រើការជាមេដឹកនាំគណបក្សសម្រាប់រយៈពេល ៤ ឆ្នាំខាងមុខ នឹងប្រឈមមុខនឹងបញ្ហានៃការព្យាយាមពង្រឹងគណបក្សបន្ថែមទៀត នៅក្នុងការនាំមុខសម្រាប់ការបោះឆ្នោតប្រធានាធិបតីបន្ទាប់របស់តៃវ៉ាន់។ ការប្រកួតនេះ គ្រោងនឹងធ្វើនៅឆ្នាំ២០២៨ឯណោះ៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖