Connect with us

ព័ត៌មានអន្ដរជាតិ

ការសិក្សា៖ ថ្នាំព្យាបាលជំងឺហឺតបង្ហាញប្រសិទ្ធភាពជាសះស្បើយរហ័សសម្រាប់អ្នកជំងឺកូវីដនៅផ្ទះ

បានផុស

នៅ

ថ្នាំព្យាបាលជំងឺហឺតត្រូវបានគេរកឃើញថា អាចជួយពន្លឿនពេលវេលានៃការជាសះស្បើយសម្រាប់អ្នកជំងឺ Covid-19 នៅផ្ទះប្រសើរជាងមុន។ នេះបើយោងតាមការស្រាវជ្រាវគ្លីនិកធំមួយនៅចក្រភពអង់គ្លេសដែលដឹកនាំដោយសាកលវិទ្យាល័យ Oxford ។

Budesonide, a cheap asthma drug, can alleviate covid-19 at home | The  Economist
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សាស្ត្រាចារ្យ Chris Butler ប្រធានផ្នែកស៊ើបអង្កេតការពិសោធន៍បាននិយាយថា លទ្ធផលបណ្តោះអាសន្នទៅលើថ្នាំ ស្តេរ៉ូអ៊ីត (steroid) ឬស្គាល់ថាថ្នាំ budesonide ប្រើសម្រាប់ស្រូបចូលសួតបានបង្ហាញប្រសិទ្ធភាពចំពោះការជាសះស្បើយរហ័សទៅលើអ្នកជំងឺកូវីដដែលមិនចូលសម្រាកក្នុងមន្ទីរពេទ្យ។

លោកបន្តថា ថ្នាំនេះមានតម្លៃថោកនិងមានផលប៉ះពាល់តិចតួច។ វាជួយឱ្យមនុស្សប្រឈមហានិភ័យខ្ពស់ជាមួយវីរុសកូវីដ-១៩ អាចជាបានលឿនជាងមុន ក៏ដូចជាជួយឱ្យមានអារម្មណ៍ធូរស្បើយនិងមានសុខភាពល្អឡើងវិញផងដែរ។

អ្នកស្រាវជ្រាវ Oxford បានសិក្សាលើមនុស្សដែលមានរោគសញ្ញា Covid-19 សំខាន់ៗដូចជា ក្អកនិងគ្រុនក្តៅដែលមិនចូលមន្ទីរពេទ្យ។ ពួកគេបានចាត់ឱ្យអ្នកជំងឺ ៩៦១ នាក់ប្រើថ្នាំហឺត budesonide ពីរដងក្នុងមួយថ្ងៃ និងអ្នកជំងឺចំនួន ១,៨១៩ នាក់ទទួលការព្យាបាលតាមស្តង់ដារ។

Coronavirus: Asthma drug 'speeds Covid recovery'

លទ្ធផលស្រាវជ្រាវរកឃើញថា អ្នកជំងឺប្រើថ្នាំ budesonide បានជាសះស្បើយជាមធ្យមបន្ទាប់ពី ១១ ថ្ងៃ ខណៈអ្នកជំងឺព្យាបាលតាមស្ដង់ដារចំណាយពេលរហូត ១៤ ថ្ងៃ។

បច្ចុប្បន្ន អ្នកស្រាវជ្រាវនៅចក្រភពអង់គ្លេស កំពុងបញ្ជូនលទ្ធផលសិក្សារបស់ខ្លួនទៅកាន់មន្ទីរសុខាភិបាលនិងផ្នែកថែទាំសង្គម ហើយក្រុមគ្រូពេទ្យរំពឹងថា នឹងទទួលបានការណែនាំថ្មីលើថ្នាំហឺតឆាប់ៗនេះ។

ចំណែកសាស្ត្រាចារ្យ Mona Bafadhel ដែលជាគ្រូពេទ្យជំនាញផ្លូវដង្ហើមនៅក្នុងក្រុមស្រាវជ្រាវបានលើកឡើងស្របគ្នាថា ថ្នាំ budesonide អាចជួយកាត់បន្ថយភាពធ្ងន់ធ្ងរនៃជំងឺ។ វាធ្វើឱ្យថយចុះនូវការឆ្លើយតបនៃប្រព័ន្ធភាពស៊ាំខ្លាំងពេកចំពោះអ្នកជំងឺមួយចំនួន និងកាត់បន្ថយសកម្មភាពរបស់ឧបករណ៍ទទួល Ace-2 សម្រាប់វីរុស Sars-Cov-2 ចូលទៅក្នុងកោសិកាមនុស្ស។

Coronavirus: Asthma drug speeds up recovery at home

មិនត្រឹមតែប៉ុណ្ណោះ ថ្នាំនេះអាចជួយសង្គ្រោះជីវិតអ្នកជំងឺក្នុងមន្ទីរពេទ្យដែលមានរោគសញ្ញាធ្ងន់ធ្ងរដោយសារវីរុសកូវីដ-១៩។​ វាស្ទើរតែគ្មានផលប៉ះពាល់ ហើយងាយស្រួលប្រើ ដោយគ្រាន់តែចុចហើយស្រូបចូល ​ជាការស្រេច៕

ប្រែសម្រួល៖ សន្យា

ប្រភព៖ FINANCIAL TIME

ចុចអាន៖ អ្នកវិទ្យាសាស្ត្រ៖ បច្ចេកវិទ្យាផលិតវ៉ាក់សាំងកូវីដ​អាចប្រើបង្កើតថ្នាំបង្ការជំងឺមហារីកនិងអេដស៍

ចុចអាន៖ តិចនិកថែទាំអ្នកសង្ស័យ និងព្យាបាលកូវីដ-១៩ នៅផ្ទះ ចៀសវាងឆ្លងសមាជិកគ្រួសារ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១ ម៉ោង មុន

ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ

ព័ត៌មានជាតិ២ ម៉ោង មុន

ស្ថានីយប្រព្រឹត្តកម្មទឹកកខ្វក់ទី ៣ នៅ​ខេត្តព្រះសីហនុដាក់សម្ពោធ​ឲ្យដំណើការជា​ផ្លូវការ

ព័ត៌មានអន្ដរជាតិ២ ម៉ោង មុន

ជនចំណាកស្រុកជាង ៥០០ នាក់ចូលចតនៅ អង់គ្លេស តាមទូកតូចៗ

ព័ត៌មានជាតិ២ ម៉ោង មុន

ក្រុមហ៊ុន​ អ៊ីអនម៉ល ៖ គ្មានការសាងសង់ផ្សារទំនើបអ៊ីអន៤ នៅខណ្ឌកំបូល ដូចការចុះផ្សាយព័ត៌មានឡើយ  

ជីវិតកម្សាន្ដ២ ម៉ោង មុន

ឃុំ ប៉ុណ្ណាដែត ស្នើមន្ត្រីចរាចរណ៍ប្រកាន់ភ្ជាប់សុជីវធម៌-ក្រមសីលធម៌ ដើម្បីជាគំរូចំពោះប្រជាពលរដ្ឋ

ព័ត៌មានជាតិ៦ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានជាតិ៧ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៦ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

ព័ត៌មានជាតិ៥ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

Sokha Hotels

ព័ត៌មានពេញនិយម