ព័ត៌មានអន្ដរជាតិ
មិនចេះតិច! រកឃើញមីស៊ីល និងគ្រាប់មិនទាន់ផ្ទុះរបស់ អ៊ីស្រាអែល ជិត ៣០០ គ្រាប់ ក្រោយបាញ់យកៗលើតំបន់ហ្គាហ្សា
ប៉ូលិសតំបន់ហ្គាហ្សាបានរកឃើញគ្រាប់មិនទាន់ផ្ទុះ និងគ្រាប់មីស៊ីលជិត ៣០០ គ្រាប់ ដែលត្រូវបានបាញ់ដោយអ៊ីស្រាអែល អំឡុងពេលការវាយលុករបស់ខ្លួនទៅលើទឹកដីប៉ាឡេស្ទីន ។
មេប៉ូលិសលោក Mahmoud Salah បានប្រាប់សន្និសីទសារព័ត៌មានមួយ នៅតំបន់ហ្គាហ្សាស្ទ្រីបកាលពីថ្ងៃអាទិត្យថា ក្រុមកម្ចាត់គ្រាប់បែកនៅតែកំពុងធ្វើការ ដើម្បីរំដោះគ្រាប់មិនទាន់ផ្ទុះដទៃទៀត ទោះបីសមត្ថភាពបច្ចេកទេស នៅមានកម្រិតក៏ដោយ ។
លោកបានបន្តទៀតថា “ការរកឃើញនេះ បានធ្វើឲ្យមានការបរាជ័យពីអ៊ីស្រាអែល ក្នុងការធ្វើឲ្យអស្ថិរភាពសន្តិសុខរបស់យើង និងគំរាមកំហែងដល់ផ្ទៃក្នុងរបស់យើង ហើយមន្រ្តីប៉ូលិសនៅតែរក្សាជំហររបស់ខ្លួន ក្នុងការបម្រើប្រជាជនរបស់យើងប្រកបដោយប្រសិទ្ធភាព” ។
លោក Salah បាននិយាយថា ប៉ូលិសនឹងបន្តបម្រើ និងការពារប្រជាជននៅតំបន់ហ្គាហ្សា ទោះបីជាមានការបំផ្លិចបំផ្លាញទីស្នាក់ការប៉ូលិសក៏ដោយ ។
គួររំឭកថា បទឈប់បាញ់គ្នាវាងក្រុមតស៊ូប៉ាឡេស្ទីន និងអ៊ីស្រាអែល បានចូលជាធរមានកាលពីថ្ងៃសុក្រ ដោយបានបញ្ចប់ការប្រយុទ្ធគ្នារយៈពេល ១១ ថ្ងៃ ។
បើយោងតាមក្រសួងសុខាភិបាលប៉ាឡេស្ទីន បានឲ្យដឹងថា យ៉ាងហោចណាស់ ជនជាតិប៉ាឡេស្ទីន ២៤៨ នាក់ រួមទាំងកុមារ ៦៦ នាក់ និងស្ត្រី ៣៩ នាក់ត្រូវបានសម្លាប់ ខណៈមនុស្ស ១,៩៤៨ នាក់ផ្សេងទៀត បានរងរបួសនៅក្នុងការវាយប្រហារ របស់អ៊ីស្រាអែលទៅលើតំបន់ហ្គាហ្សាស្ទ្រីប ។
ចំណែក អាជ្ញាធរសុខាភិបាលនៅតំបន់ West Bank បានបញ្ជាក់ដាច់ដោយឡែកពីគ្នាថា មានមនុស្ស ៣១ នាក់បានស្លាប់នៅក្នុងតំបន់ West Bank ចាប់តាំងពីខែមុន ដោយនាំឲ្យមានចំនួនអ្នកស្លាប់សរុបដល់ ២៧៩ នាក់នៅទូទាំងទឹកដីប៉ាឡេស្ទីន ខណៈជនជាតិអ៊ីស្រាអែល ១២ នាក់ត្រូវបានសម្លាប់ ដោយគ្រាប់រ៉ុកកែតរបស់ប៉ាឡេស្ទីន ដែលបាញ់ចេញពីតំបន់ហ្គាហ្សាស្ទ្រីប ៕
ប្រែសម្រួលដោយ ៖ ជីវ័ន្ត
ប្រភព ៖ Anadolu
ចុចអាន ៖ មិនខ្វល់រឿងបទឈប់បាញ់ចូលជាធរមាន កងកម្លាំង អ៊ីស្រាអែល និង ប៉ាឡេស្ទីន បន្តប៉ះទង្គិចគ្នាជាថ្មី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៧ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង