ព័ត៌មានអន្ដរជាតិ
មិនទាន់ប្រកួតផង អ្នកគាំទ្រ Chelsea និង Man City វាយគ្នាផ្អើល មុនវគ្គផ្តាច់ព្រ័ត្រ UCL យប់នេះ
ការវាយតប់គ្នាបានផ្ទុះឡើងរវាងអ្នកគាំទ្រក្លិបមេឃខៀវ Man City និងតោខៀវ Chelsea នៅពេលពួកគេប្រមូលផ្តុំគ្នាក្នុងទីក្រុង Porto នៃប្រទេសព័រទុយហ្គាល់ មុនការប្រកួតពានរង្វាន់ Champions League វគ្គផ្តាច់ព្រ័ត្រ នារាត្រីនេះ។
អ្នកគាំទ្ររាប់រយនាក់ បានទៅដល់ប្រទេសព័រទុយហ្គាល់រួចទៅហើយ សម្រាប់ការប្រកួតដ៏ធំ រវាងក្លិបដែលមានមូលដ្ឋាននៅប្រទេសអង់គ្លេសទាំងពីរ។
យ៉ាងណាក្តី ភាពជ្រួលច្របល់បានកើតឡើង នៅពេលអ្នកគាំទ្រក្លិបទាំងសងខាង បានឌឺដងដាក់គ្នានៅតាមបារក្នុងទីក្រុងនេះ។
ប៉ូលិសបានមកធ្វើអន្តរាគមន៍ ដើម្បីបង្ក្រាបភាពតានតឹង និងបំបែកហ្វូងមនុស្ស។
មនុស្សជាច្រើនបានចូលរួមក្នុងការវាយតប់គ្នានេះ ហើយមានមនុស្សជាច្រើនទៀតបានប៉ះទង្គិចជាមួយប៉ូលិស។ អ្នកគាំទ្រក្លិបទាំងពីរ ត្រូវបានគេរាយការណ៍ រងរបួសក្នុងហេតុការណ៍នេះ ប៉ុន្តែគ្មាននរណាម្នាក់បាត់បង់ជីវិតនោះទេ។
ក្លិប Manchester City បានយកឈ្នះក្លិបអ្នកមានបារាំង PSG នៅវគ្គពាក់កណ្តាលផ្តាច់ព្រ័ត្រ ដើម្បីឡើងកាន់វគ្គផ្តាច់ព្រ័ត្រនៃពានរង្វាន់ Champions League ជាលើកដំបូង។
ចំណែក Chelsea បានទម្លាក់ម្ចាស់ជើងឯក Champions League ១៣សម័យគឺអធិរាជស Real Madrid ដែលជាការបង្ហាញខ្លួនក្នុងវគ្គផ្តាច់ព្រ័ត្រលើកទី៣ ចាប់តាំងពីមហាសេដ្ឋីរុស្ស៊ី Roman Abramovich ទិញក្លិបនេះ ក្នុងឆ្នាំ២០០៣។
សហព័ន្ធបាល់ទាត់ទ្វីបអឺរ៉ុប ហៅកាត់ UEFA បានលើកការប្រកួតវគ្គផ្តាច់ព្រ័ត្រនេះពីទីក្រុង អ៊ីស្តង់ប៊ុល ទៅប្រទេស ព័រទុយហ្គាល់ ដើម្បីអនុញ្ញាតឲ្យអ្នកគាំទ្រអង់គ្លេសធ្វើដំណើរទៅបាន ព្រោះបច្ចុប្បន្ន ប្រទេសទួរគី កំពុងជួបវិបត្តិជំងឺកូវីដ-១៩យ៉ាងធ្ងន់ធ្ងរ។
អ្នកគាំទ្រប្រមាណ ១៦,៥០០នាក់ នឹងត្រូវបានអនុញ្ញាតឲ្យចូលទស្សនផ្ទាល់ក្នុងពហុកីឡដ្ឋានខណៈអ្នកផ្សេងទៀត អាចគាំទ្រនៅខាងក្រៅ៕
ប្រែសម្រួល៖ Vann Vann
ប្រភព៖ The Sun
ចុចអាន៖ អបអរសាទរ Villarreal ឈ្នះ Man United លើកពាន Europa League
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២៤ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៧ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២២ ម៉ោង ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សេដ្ឋកិច្ច២ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ