តារាកំប្លែង ថៃ ក្នុងរឿង “អ្នកប្រដាល់មិនដែលឈ្នះ” រៀបរាប់លម្អិតពេលវេលា និងទីតាំង ក្រោយតេស្ត ៣ ដងទើបឃើញកូវីដ

តារាកំប្លែងល្បីឈ្មោះថៃក្នុងរឿង “អ្នកប្រដាល់មិនដែលឈ្នះ” Kohtee Aramboy បានទៅទីតាំង និងចូលរួមកម្មវិធីធំៗជាច្រើន មុនឆ្លងកូវីដ ១៩ ។ ក្នុងនោះក៏បានចូលរួមក្នុងកម្មវិធីវិភាគបាល់ទាត់យូរ៉ូនៅទូរទស្សន៍ NBT ផងដែរ ។

ទន្ទឹមនោះ Aramboy បានអំពាវនាវដល់អ្នកដែលប៉ះពាល់ផ្ទាល់ ឬប្រយោលជាមួយរូបគេឲ្យធ្វើចត្តាឡីស័ក និងទៅពិនិត្យសុខភាព ពោលចាប់តាំងពីថ្ងៃទី ២១ ឬ ២២ ខែមិថុនា ។

ថ្ងៃទី ២២ ខែមិថុនា ឆ្នាំ ២០២១

Aramboy នៅឧទ្យានដើមដំបងយក្សពេញមួយថ្ងៃ ។ នៅថ្ងៃដដែលនាពេលយប់ រូបគេបានចេញពីឧទ្យាន ដើម្បីចូលរួមកម្មវិធីវិភាគបាល់ទាត់អឺរ៉ូនៅទូរទស្សន៍ NBT ចាប់ពីម៉ោង ១១ និង ០០ នាទីយប់ដល់ម៉ោង ១ រំលងអធ្រាត្រឈានចូលថ្ងៃទី ២៣ ខែមិថុនា ។

ថ្ងៃទី ២៣ ខែមិថុនា ឆ្នាំ ២០២១

នៅព្រឹកថ្ងៃទី ២៣ ខែមិថុនា Aramboy បានទៅខេត្តណាខនសាវ៉ាន់ ដើម្បីចូលរួមពិធីដាស់ស្មារតី ។ ពេលរសៀល ទៅវត្ត Tuk ខេត្ត Chai Nat ប្រគេនចង្ហ័នដល់ព្រះសង្ឃ ហើយពេលល្ងាច ត្រឡប់ទៅធ្វើសំណាកក្នុងមន្ទីរពេទ្យឯកជន ដើម្បីបញ្ជូនលទ្ធផល សម្រាប់ធ្វើការងារដើម្បីរៀបចំថតកំប្លែងចំនួន ៦ ឈុត និងក្រោយមកបើកឡានត្រឡប់មកផ្ទះ ។

ថ្ងៃទី ២៤ ខែមិថុនា ឆ្នាំ ២០២១

ដោយដឹងថាខ្លួនមិនមានឆ្លងរោគណាមួយនៅពេលព្រឹកនោះទេ Aramboy បានបើកឡានចេញពីផ្ទះខ្លួនឯង ដើម្បីថតកម្មវិធីផ្ទះបាយនៅភោជនីយដ្ឋាន Khun Toi ហើយបន្ទាប់មកបើកឡានត្រឡប់មកផ្ទះវិញនៅសង្កាត់ Suan ។

ថ្ងៃទី ២៥ ខែមិថុនា ឆ្នាំ ២០២១

Aramboy បន្តស្នាក់នៅឧទ្យានដើមដំបងយក្សពេញមួយថ្ងៃ ជាមួយមនុស្សមួយក្រុមដែលមានផ្ទុកកូវីដ ។ ក្រោយមកតារាកំប្លែងរូបនេះ បានចាប់ផ្ដើមឃុំខ្លួនឯងភ្លាម ។

ថ្ងៃទី ២៦ និង ២៧ ខែមិថុនា ឆ្នាំ ២០២១

ប្រុសម៉ាប់រូបនេះ លុបចោលការងារចំនួន ២ ហើយទៅធ្វើសំណាកនៅមន្ទីរពេទ្យឯកជន ។

ថ្ងៃទី ២៨ ខែមិថុនា ឆ្នាំ ២០២១

Aramboy បានបន្តឃុំខ្លួនឯង និងរង់ចាំលទ្ធផលធ្វើតេស្តលើកដំបូង ។ ក្រោយមករូបគេមានអាការមិនស្រួលខ្លួនដូចជា ក្ដៅខ្លួន ឈឺបំពង់ ក ហើយក៏បានទៅមន្ទីរពេទ្យដើម្បីធ្វើតេស្តសំណាកលើកទី ២ ខណៈលទ្ធផលនៅមន្ទីរពេទ្យឯកជននោះមិនទាន់ដឹងនៅឡើយទេ ។

ថ្ងៃទី ២៩ ខែមិថុនា ឆ្នាំ ២០២១

នៅពេលថ្ងៃត្រង់ ទើប Aramboy ដឹងថាបានឆ្លងជំងឺកូវីដ ១៩ ក្រោយធ្វើតេស្តលើកទី ៣ នៅមន្ទីរពេទ្យឯកជនមួយកន្លែង ។ ក្រោយរកឃើញហើយ Aramboy បានសរសេរបង្ហោះលើ Instragram ថា “សូមប្រុងប្រយ័ត្ន និងធ្វើតេស្តឲ្យបានឆាប់បំផុត ហើយខ្ញុំសូមសុំទោសម្តងទៀត” ៕

ប្រែសម្រួលដោយ ៖ ជីវ័ន្ត

ប្រភព ៖ Sanook

ចុចអាន ៖ ក្ដៅៗ តារាកំប្លែងល្បីឈ្មោះថៃ Kohtee Aramboy តេស្ត ៣ ដងទើបឃើញវិជ្ជមានកូវីដ