ព័ត៌មានអន្ដរជាតិ
ប្រធានាធិបតីអាមេរិក បៃដិន ថា អាហ្វហ្គានីស្ថានត្រូវសម្រេចអនាគតខ្លួនឯង
លោកប្រធានាធិបតីសហរដ្ឋអាមេរិក ចូ បៃដិន នៅថ្ងៃព្រហស្បតិ៍ម្សិលមិញបានការពារពីការសម្រេចចិត្តរបស់លោកក្នុងការដកកងទ័ពអាមេរិកចេញពីប្រទេសអាហ្វហ្គានីស្ថាន។
លោកលើកឡើងថា ប្រជាជនអាហ្វហ្គានីស្ថានត្រូវតែសម្រេចអនាគតខ្លួនឯង និងថា លោកនឹងមិនធ្វើឲ្យជនជាតិអាមេរិកជំនាន់ក្រោយចូលទៅក្នុងសង្គ្រាមដែលមានរយៈពេល២០ឆ្នាំទៀតទេ។
ថ្លែងនៅសេតវិមាន លោក បៃដិន លើកឡើងថា ទាហានអាហ្វហ្គានីស្ថានមានសមត្ថភាពប្រយុទ្ធប្រឆាំងនឹងតាលីបង់ និងបានបដិសេធទៅនឹងរបាយការណ៍ដែលលើកឡើងថា ការស៊ើបការណ៍របស់អាមេរិកបានព្យាករពីការដួលរលំរបស់រដ្ឋាភិបាលដែលគាំទ្រដោយអាមេរិកនៅទីក្រុង Kabul ត្រឹមរយៈពេល៦ខែ និងព្រមានពីសង្គ្រាមស៊ីវិល។
លោក បៃដិន បានកំណត់កាលបរិច្ឆេទនៅថ្ងៃទី៣១ ខែសីហា ជាពេលចុងក្រោយដែលកងទ័ពអាមេរិកដកចេញ ទុកប្រហែលជា៦៥០នាក់ដើម្បីការពារសន្តិសុខស្ថានទូតអាមេរិកប្រចាំទីក្រុង Kabul និងបាននិយាយថា អ្នកបកប្រែអាហ្វហ្គានីស្ថានរាប់ពាន់នាក់នឹងត្រូវបានផ្លាស់ប្តូរដើម្បីសុវត្ថិភាព។
លោកលើកឡើងថា ៖«យើងបានសម្រេចគោលដៅទាំងនោះ នោះហើយជាមូលហេតុដែលយើងបានទៅ។ យើងមិនមែនទៅអាហ្វហ្គានីស្ថានដើម្បីកសាងប្រទេសជាតិទេ។ ហើយវាជាសិទ្ធិ និងការទទួលខុសត្រូវរបស់ប្រជាជនអាហ្វហ្គានីស្ថានតែឯងដែលត្រូវសម្រេចពីអនាគរបស់ពួកគេ ហើយថាតើពួកគេចង់ដឹកនាំប្រទេសរបស់ខ្លួនបែបណា»។
យោងតាមការស្ទង់មតិមួយកាលពីខែមេសា ប្រជាជនអាមេរិកភាគច្រើនគាំទ្រការសម្រេចចិត្តរបស់លោក ចូ បៃដិន ឲ្យដកកងទ័ពពីប្រទេសអាហ្វហ្គានីស្ថាន ប៉ុន្តែមនុស្សធំពេញវ័យតែ២៨%បានយល់ព្រមថា អាមេរិកបានសម្រេចគោលដៅរបស់ខ្លួននៅអាហ្វហ្គានីស្ថាន ហើយ៤៣%និយាយថា ការដកទ័ពអាមេរិកនៅពេលនេះជួយពួក Al Qaeda។
ថ្លែងទៅកាន់អ្នករិះគន់ចំពោះការសម្រេចចិត្តរបស់ខ្លួន លោក បៃដិន លើកជាសំនួរថា ៖«តើមានប្រជាជនអាមេរិក កូនស្រី កូនប្រុសប៉ុន្មាននាក់ដែលមានឆន្ទៈប្រឈមហានិភ័យ? តើអ្នកចង់ឲ្យពួកគេស្ថិតនៅយូរកម្រិតណា?
លោកថា ៖«ខ្ញុំនឹងមិនបញ្ជូនជនជាតិអាមេរិកជំនាន់ក្រោយទៅកាន់សង្គ្រាមក្នុងប្រទេសអាហ្វហ្គានីស្ថានទៀតទេ ដោយគ្មានការរំពឹងទុកពីការទទួលបានលទ្ធផលផ្សេងសមហេតុផលឡើយ»៕
ប្រែសម្រួល៖ វីរបុត្រ
ប្រភព៖ reuters
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២៣ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore