ព័ត៌មានអន្ដរជាតិ
ក្រុមគ្រូពេទ្យអង់គ្លេស ព្រមានអំពី “ផលវិបាកដែលអាចបង្កអន្តរាយ” បើបន្ធូរបន្ថយ វិធានការរឹតត្បិត កូវីដ
ក្រុមវេជ្ជបណ្ឌិត បានរិះគន់ការសម្រេចចិត្តរបស់លោក Boris Johnson ដែលអនុញ្ញាតឲ្យបន្ធូរបន្ថយ វិធានការរឹតត្បិតវីរុសកូវីដ-១៩ ហើយហៅថា “ជាការមិនទទួលខុសត្រូវ”។
សមាគមន៍វេជ្ជសាស្រ្តអង់គ្លេស (BMA) បានព្រមានអំពី “ផលវិបាកដែលអាចបង្កអន្តរាយ” បន្ទាប់ពីលោកនាយករដ្ឋមន្រ្តីបានបញ្ជាក់កាលពីថ្ងៃចន្ទទី១២ ខែកក្កដាថា ការរឹតត្បិតជាកាតព្វកិច្ចភាគច្រើន នឹងត្រូវបញ្ចប់នៅថ្ងៃទី១៩ខែកក្កដា បើទោះបីជាការឆ្លងវីរុសកូវីដ-១៩ នៅតែបន្តកើនឡើងក៏ដោយ។
នៅក្នុងសន្និសីទសារព័ត៌មានរបស់វិមាន Downing Street កាលពីថ្ងៃចន្ទ លោក Johnson បានទទួលស្គាល់ថា ជំងឺរាតត្បាតមិនទាន់ចប់ទេ ហើយបានអំពាវនាវដល់ប្រជាជន ឲ្យបន្តការប្រុងប្រយ័ត្ន។
ជាមួយគ្នានេះដែរ លោកបាននិយាយថា ការពន្យារពេលបន្ធូរបន្ថយការរឹតបន្តឹង ដល់រដូវស្លឹកឈើជ្រុះ នឹងបង្កហានិភ័យនៅពេលសាលារៀន បើកវិស្សមកាល ហើយប្រជាជនត្រូវចំណាយពេលនៅក្នុងផ្ទះបន្ថែមទៀត នៅពេលអាកាសធាតុត្រជាក់។
ទោះបីជាយ៉ាងណាក៏ដោយ លោកវេជ្ជបណ្ឌិត Chaand Nagpaul ប្រធានក្រុមប្រឹក្សា BMA បាននិយាយថា ការលុបចោលការរឹតត្បិត ខណៈពេលចំនួនប្រជាជនដ៏សំខាន់នៅតែមិនទាន់បានចាក់វ៉ាក់សាំងពេញលេញនោះ នឹងអនុញ្ញាតឲ្យវីរុសគ្របដណ្តប់កាន់តែខ្លាំង ជំរុញឲ្យការឆ្លងនិងការចូលព្យាបាលនៅមន្ទីរពេទ្យហក់ឡើងខ្ពស់ ហើយធ្វើឲ្យជីវិតកាន់តែមានគ្រោះថ្នាក់។
លោកលើកឡើងថា “វាជាការមិនទទួលខុសត្រូវ ហើយបើនិយាយដោយត្រង់ទៅគឺថា រដ្ឋាភិបាលបានសម្រេចចិត្តអនុញ្ញាតជាមួយផែនការ ដកការរឹតបន្តឹងកូវីដនៅថ្ងៃទី ១៩ ខែកក្កដា” ។
BMA បានព្រមានម្តងហើយម្តងទៀត អំពីអត្រាឆ្លងកើនឡើងយ៉ាងឆាប់រហ័ស និងផលប៉ះពាល់ដល់មន្ទីរពេទ្យ ហើយនាំឲ្យបុគ្គលិក NHS ដួលរលំ។
លោកនាយករដ្ឋមន្រ្តី បានសង្កត់ធ្ងន់ម្តងហើយម្តងទៀតពីសារសំខាន់នៃវិធីសាស្រ្តប្រុងប្រយ័ត្ន ប៉ុន្តែតាមពិត រដ្ឋាភិបាលកំពុងបោះចោលរឿងនេះទៅតាមខ្យល់ ដោយលុបចោលបទបញ្ញត្តិទាំងអស់ក្នុងពេលតែមួយ ជាមួយផលវិបាកធ្ងន់ធ្ងរ។
ស្របពេលជាមួយគ្នានោះដែរ សាស្រ្តាចារ្យ Helen Stokes-Lampard ប្រធានបណ្ឌិត្យសភានៃមហាវិទ្យាល័យវេជ្ជសាស្ត្រ បាននិយាយថា ជាធម្មតា ស្ថាប័ននេះ មិនមានការចូលរួមដោយផ្ទាល់នៅក្នុងការជជែកដេញដោលជាសាធារណៈទេ ប៉ុន្តែយើងមានអារម្មណ៍ថា វាចាំបាច់ត្រូវតែនិយាយថា ការប្រុងប្រយ័ត្នគឺចាំបាច់ណាស់ទាក់ទងនឹងថ្ងៃទី ១៩ ខែកក្កដា។
លោកស្រីបានប្រាប់កម្មវិធី Good Morning Britain របស់ ITV ថា “យើងត្រូវការឲ្យអ្នករាល់គ្នាគិតឲ្យបានល្អិតល្អន់ និងមានទំនួលខុសត្រូវចំពោះអ្វីដែលពួកគេធ្វើដោយផ្ទាល់។ ការផ្លាស់ប្តូរច្បាប់ មិនមែនមានន័យថា អ្វីដែលយើងធ្វើក្នុងនាមជាបុគ្គលម្នាក់ៗត្រូវតែផ្លាស់ប្តូរនោះទេ”៕
ប្រែសម្រួល៖ Vann Vann
ប្រភព៖ Mirror
ចុចអាន៖ ប្រទេសមួយទៀត ផ្លាស់ប្តូរយុទ្ធសាស្រ្ត ឲ្យប្រជាជនរៀនរស់ជាមួយ កូវីដ
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ២ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ