ព័ត៌មានអន្ដរជាតិ
អង់គ្លេស ត្រៀមចេញច្បាប់ ដាក់គុកអ្នកកាសែត ១៤ឆ្នាំ បើផ្សាយព័ត៌មានធ្វើឲ្យរដ្ឋាភិបាល អាម៉ាស់មុខ
អ្នកកាសែត អាចប្រឈមនឹងការជាប់ពន្ធនាគាររហូតដល់ទៅ១៤ឆ្នាំ សម្រាប់ការផ្សាយព័ត៌មានដែលធ្វើឲ្យរដ្ឋាភិបាលអាម៉ាស់មុខ ក្រោមផែនការធ្វើកំណែទម្រង់ច្បាប់សម្ងាត់ផ្លូវការ។
ក្រោមកិច្ចពិគ្រោះយោបល់ គ្រប់គ្រងដោយក្រសួងមហាផ្ទៃរបស់លោកស្រី Priti Patel ដែលបិទបញ្ចប់នៅចុងសប្តាហ៍នេះ, អ្នកសារព័ត៌មានណា ដែលកាន់កាប់ឯកសារបែកធ្លាយ នឹងមិនអាចមានមេធាវីការពារក្តីទេ ប្រសិនបើត្រូវបានចោទប្រកាន់ក្រោមច្បាប់ថ្មីនេះ ដែលត្រូវបានរៀបចំឡើងដើម្បីបង្ក្រាបភ្នាក់ងារបរទេស។
ទោះបីជាយ៉ាងណាក៏ដោយ អង្គការសិទ្ធិមនុស្សនិងគណៈកម្មការច្បាប់ បាននិយាយថា ការការពារផលប្រយោជន៍សាធារណៈ គួរតែត្រូវបានដាក់បញ្ចូលក្នុងសំណើច្បាប់នេះ ដើម្បីការពារការកាត់ទោសអ្នកសារព័ត៌មាន ដែលទទួលបានឯកសារលេចធ្លាយ។
ប៉ុន្តែនៅក្នុងឯកសារមួយដែលដកស្រង់ចេញពីការពិគ្រោះយោបល់នេះ ក្រសួងមហាផ្ទៃបាននិយាយថា ការធ្វើបែបនេះ នឹងបង្កអន្តរាយដល់កិច្ចខិតខំប្រឹងប្រែងរបស់យើង ក្នុងការការពារ មិនឲ្យមានការលាតត្រដាងព័ត៌មានទាំងមិនមានការអនុញ្ញាត ហើយគ្មានផលប្រយោជន៍ជាសាធារណៈ។
ស្របពេលជាមួយគ្នានោះដែរ ក្រុមអ្នករិះគន់បានលើកឡើងថា ប្រសិនបើច្បាប់នេះ ចូលជាធរមានមែននោះ វាអាចនាំឲ្យមានការកាត់ទោសអ្នកកាសែត ដែលបានលាតត្រដាងក្នុងខែនេះថា អតីតរដ្ឋមន្ត្រីក្រសួងសុខាភិបាលអង់គ្លេស លោក Matt Hancock បានរំលោភច្បាប់ កូវីដ ដោយមានទំនាក់ទំនងស្នេហាជាមួយជំនួយការរបស់គាត់ ខណៈព័ត៌មាននេះ គឺពឹងផ្អែកលើការបែកធ្លាយវីដេអូកាមេរាសុវត្ថិភាព។
ការទម្លាយព័ត៌មាននេះ បានជំរុញឲ្យលោកលាឈប់ពីតំណែង និងបញ្ចប់ជីវិតអាពាហ៍ពិពាហ៍របស់គាត់៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ រដ្ឋមន្ត្រីសុខាភិបាលទើបឡើងថ្មីរបស់ អង់គ្លេស នឹងបន្ថូរបន្ថយការរឹតត្បិតប្រទេស ទោះករណីឆ្លងកើនឡើងក៏ដោយ
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១១ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ