ព័ត៌មានអន្ដរជាតិ
តាលីបង់ ដកមុខវិជ្ជាណាប្រឆាំងច្បាប់ឥស្លាមចេញពីកម្មវិធីសិក្សា របស់សាកលវិទ្យាល័យ
រដ្ឋមន្ត្រីក្រសួងអប់រំជាន់ខ្ពស់របស់តាលីបង់បានប្រកាសថា ខ្លួននឹងដកមុខវិជ្ជាដែលត្រូវបានចាត់ទុកថាប្រឆាំងនឹងច្បាប់ Sharia របស់សាសនាឥស្លាម ចេញពីកម្មវិធីសិក្សារបស់សាកលវិទ្យាល័យអាហ្វហ្គានីស្ថាន ។
ដោយដកស្រង់សម្តីដោយទីភ្នាក់ងារសារព័ត៌មាន TOLO រដ្ឋមន្ត្រីក្រសួងអប់រំជាន់ខ្ពស់លោក Shaikh Abdul Baqi Haqqani បាននិយាយនៅថ្ងៃចន្ទនេះថា មុខវិជ្ជានីមួយៗដែលប្រឆាំងនឹងច្បាប់ឥស្លាមនឹងត្រូវដកចេញ ។
លោកបន្ថែមថា លើសពីនេះទៀតនិស្សិតទាំង ២ ភេទនឹងមិនត្រូវបានអនុញ្ញាតឲ្យសិក្សាជាមួយគ្នាទេ ពោលស្ត្រីមិនឲ្យរៀនបន្ទប់ជាមួយបុរសទេ ។
ទន្ទឹមនោះ ក្រសួងក៏បានសន្យាថានឹងចាប់ផ្តើមកម្មវិធីពិសេសមួយ ដែលនឹងអនុញ្ញាតឲ្យនិស្សិតទៅសិក្សានៅបរទេសនាពេលអនាគតផងដែរ ។
កាលពីថ្ងៃអង្គារសប្តាហ៍មុន មេដឹកនាំរបស់តាលីបង់លោក Hibatullah Akhundzada បាននិយាយថា “នាពេលអនាគតបញ្ហាអភិបាលកិច្ច និងជីវិតទាំងអស់នៅអាហ្វហ្គានីស្ថាន នឹងត្រូវបានគ្រប់គ្រងដោយច្បាប់ Sharia” ។
Sharia គឺជាច្បាប់សាសនាដែលបង្កើតឡើងជាផ្នែកមួយនៃប្រពៃណីឥស្លាម ។ វាត្រូវបានដកស្រង់ចេញពីគម្ពីគូរ៉ាន ហើយដើរតួជាក្រមសីលធម៌សម្រាប់ការរស់នៅ ដែលប្រជាជនមូស្លីមទាំងអស់ត្រូវប្រកាន់ខ្ជាប់ ដោយរាប់បញ្ចូលទាំងការអធិស្ឋានជាប្រចាំ ការតមអាហារ និងការបរិច្ចាគដល់ជនក្រីក្រជាដើម ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ