ព័ត៌មានអន្ដរជាតិ
ម្ចាស់ជំនួយបានសន្យាផ្តល់ប្រាក់១.១ប៊ីលានដុល្លារដល់អាហ្វហ្គានីស្ថាន
ម្ចាស់ជំនួយបានសន្យាផ្តល់ប្រាក់ជាង១.១ប៊ីលានដុល្លារអាមេរិកដើម្បីជួយប្រទេសអាហ្វហ្គានីស្ថានដែលកំពុងជួបភាពក្រីក្រ និងអត់ឃ្លាន ចាប់តាំងពីតាលីបង់ឥស្លាមនិយមកាន់កាប់អំណាច។
អគ្គលេខាធិការអង្គការសហប្រជាជាតិ(UN) លោក Antonio Guterres បាននិយាយថា UN កំពុងស្វែងរកជំនួយចំនួន៦០៦លានដុល្លារអាមេរិកដែលជាសេចក្តីត្រូវការចាំបាច់នៅអាហ្វហ្គាស្ថាន។ លោកថា វាឆាប់ពេកដើម្បីនិយាយថា ចំនួនប៉ុន្មានដែលទទួលបានពីការសន្យាតាមការឆ្លើយតបនៃការអំពាវនាវ។
លោកបានលើកឡើងថា បន្ទាប់ពីសង្គ្រាម និងទុក្ខវេទនារាប់ទសវត្សរ៍ ពលរដ្ឋអាហ្វហ្គានីស្ថានកំពុងប្រឈមនឹងពេលវេលាគ្រោះថ្នាក់ខ្លាំង។
«ពលរដ្ឋអាហ្វហ្គានីស្ថានកំពុងប្រឈមនឹងការដួលរលំប្រទេសទាំងស្រុងតែម្តង»។ លោកបានបញ្ជាក់ថា និងបន្តថា ស្បៀងអាហារអាចនឹងអស់នៅចុងខែនេះ ហើយកម្មវិធីស្បៀងអាហារពិភពលោកបាននិយាយថា មនុស្ស១៤លាននាក់កំពុងស្ថិតក្នុងភាពអត់ឃ្លាន។
ប្រទេសចិន និងប៉ាគីស្ថានបានសន្យាផ្តល់ជំនួយរួចហើយ។ កាលពីសប្តាហ៍មុន ទីក្រុងប៉េកាំងបានសន្យាផ្តល់ជំនួយវេជ្ជសាស្ត្រ និងអាហារដែលមានតម្លៃ៣១លានដុល្លារអាមេរិក និងកាលពីថ្ងៃសុក្រនិយាយថា ចិនបានបញ្ជូនវ៉ាក់សាំងបង្ការកូវីដ-១៩លើកទីមួយចំនួន៣លានដូស។
ប៉ាគីស្ថានបានបញ្ចូនស្បៀងអាហារ និងវេជ្ជសាស្ត្រ ហើយបានអំពាវនាវឲ្យឈប់បង្កកទ្រព្យសម្បត្តិអាហ្វហ្គានីស្ថាននៅក្រៅប្រទេស។ អ៉ីរ៉ង់បាននិយាយថា ខ្លួនបានបញ្ជូនជំនួយដឹកជញ្ជូនតាមផ្លូវអាកាស។
ទាំងចិន និងរុស្ស៊ីបាននិយាយថា បន្ទុកសំខាន់នៃការជួយអាហ្វហ្គានីស្ថានឲ្យចេញពីវិបត្តិគួរតែស្ថិតនៅជាមួយប្រទេសលោកខាងលិច។
សហរដ្ឋអាមេរិកបានសន្យាផ្តល់ប្រាក់៦៤លានដុល្លារអាមេរិកក្នុងជំនួយមនុស្សធម៌ថ្មី ខណៈប្រទេសន័រវែសបានសន្យាផ្តល់បន្ថែម១១.៥លានដុល្លារទៀត។
សូម្បីមុនពេលតាលីបង់កាន់កាប់អំណាចកាលពីខែមុន ប្រជាជនពាក់កណ្តាល ឬ១៨លាននាក់បានពឹងផ្អែកលើជំនួយ។ ចំនួននឹងកើនឡើងថែមទៀតដោយសារគ្រោះរាំងស្ងួត និងកង្វះខាត។
ប្រាក់ថ្មីប្រហែល២០០លានដុល្លារថ្មីត្រូវបានកំណត់សម្រាប់កម្មវិធីស្បៀងអាហារពិភពលោករបស់អង្គការសហប្រជាជាតិ ខណៈរកឃើញថា ៩៣%នៃពលរដ្ឋអាហ្វហ្គានីស្ថាន១៦០០នាក់ដែលត្រូវបានស្ទង់មតិក្នុងខែសីហា និងកញ្ញាគឺមិនមានអាហារបរិភោគគ្រប់គ្រាន់៕
ប្រែសម្រួល៖ វីរបុត្រ
ប្រភព៖ reuters
-
ព័ត៌មានជាតិ៤ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានជាតិ២ ថ្ងៃ agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ៣ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
ព័ត៌មានអន្ដរជាតិ១ ថ្ងៃ agoរដ្ឋបាលលោក ត្រាំ បកស្រាយថា «សង្គ្រាមចប់ហើយ» ដើម្បីគេចពីការសុំច្បាប់សភា
-
សន្តិសុខសង្គម១ សប្តាហ៍ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៥ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន
-
ព័ត៌មានអន្ដរជាតិ៦ ថ្ងៃ agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន