រូបភាព ជនភៀសខ្លួនរាប់រយនាក់បោះជំរំក្រោមអាកាសធាតុត្រជាក់ ស្ទើរកកនៅព្រំដែន បេឡារុស

ជនភៀសខ្លួនរាប់រយនាក់បានបោះជំរំនៅក្រោមអាកាសធាតុត្រជាក់ស្ទើរតែកកនៅប្រទេសបេឡារុស បន្ទាប់ពីកងកម្លាំងសន្តិសុខប៉ូឡូញបានរារាំងមិនឲ្យឆ្លងកាត់ព្រំដែន ។

ទន្ទឹមនោះ មន្ត្រីទីក្រុង Warsaw នៃប្រទេសប៉ូឡូញក៏បានក្រើនរំលឹកដែរថា ការគំរាមកំហែង “ប្រដាប់អាវុធ” អាចនឹងកើតមាននាពេលអនាគត បើព្រំដែនប៉ូឡូញជាមួយបេឡារុស្សនៅតែត្រូវបានបិទ ។

ស្របពេលជាមួយគ្នានេះ ប៉ូឡូញចោទប្រកាន់បេឡារុស្សថា ជំរុញឲ្យមានការប្រឈមមុខដាក់គ្នាតាមរយៈការលើកទឹកចិត្តជនភៀសខ្លួនពីមជ្ឈិមបូព៌ា និងអាហ្រ្វិកឲ្យឆ្លងចូលទៅក្នុងទ្វីបអឺរ៉ុប ដើម្បីជាការសងសឹកចំពោះការដាក់ទណ្ឌកម្មរបស់ប្រទេសលោកខាងលិចមកលើប្រធានាធិបតីបេឡារុសលោក Alexander Lukashenko។

បន្ថែមពីនេះ សហភាពអឺរ៉ុប (EU) ក៏បានចោទប្រកាន់បេឡារុសដែរថា បានប្រើប្រាស់ជនភៀសខ្លួនជាកូនអុកប្រឆាំងនឹងប្លុកនេះ ប៉ុន្តែត្រូវបានប្រធានាធិបតីបេឡារុស្សបដិសេធចំពោះការចោទប្រកាន់ទាំងនោះ ៕

ប្រែសម្រួលដោយ ៖ ជីវ័ន្ត

ប្រភព ៖ CGTN

ចុចអាន ៖ កុបករវិមានកាពីតូលអាមេរិកថ្ងៃ៦ មករា ស្វែងរកសិទ្ធិជ្រកកោននៅ បេឡារុស