ព័ត៌មានអន្ដរជាតិ

ស្លាប់ដោយកូវីដនៅអឺរ៉ុបនឹងឡើងដល់ជាង២លាននាក់ត្រឹមខែមីនា ឆ្នាំ២០២២

បានផុស

១ year មុន

នៅ

ថ្ងៃពុធ ២៤ វិច្ឆិកា ២០២១

ដោយ

តួលេខស្លាប់សរុបទូទាំងទ្វីបអឺរ៉ុបដោយជំងឺកូវីដ-១៩ត្រូវបានគេរំពឹងថា នឹងឡើងដល់ជាង២លាននាក់ត្រឹមខែមីនា ឆ្នាំ២០២២ខាងមុខ។ នេះបើយោងតាមអង្គការសុខភាពពិភពលោក (WHO) បាននិយាយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

WHO បាននិយាយថា តាមសេចក្តីរាយការណ៍ពីករណីស្លាប់បានកើនឡើងជិត៤២០០នាក់ជារៀងរាល់ថ្ងៃដែលចំនួននេះកើនឡើងទ្វេដងដែលត្រូវបានកត់ត្រានៅក្នុងខែកញ្ញា។ ជាមួយគ្នានេះ សេចក្តីរាយការណ៍ពីការស្លាប់កើនឡើងក្នុងតំបន់នេះរាប់ទាំងចក្រភពអង់គ្លេសផង សរុបជាង១.៥លាននាក់ហើយ។

អង្គការសុខភាពពិភពលោកបានចាត់ទុកស្ថានការណ៍ថា «ធ្ងន់ធ្ងរខ្លាំង» និងរំពឹងថា «វាយប្រហារដ៏អាក្រក់ ឬធ្ងន់ធ្ងរលើមន្ទីរពេទ្យក្នុងប្រទេស២៥ក្នុងចំណោមប្រទេស៥៣ក្នុងតំបន់ ហើយកន្លែងសង្គ្រោះបន្ទាន់ក្នុងប្រទេស៤៩ក៏គ្របដណ្តប់ដោយអ្នកជំងឺដែរ។

WHO បានបញ្ជាក់ថា តាមនិន្នាការបច្ចុប្បន្ននេះ ករណីស្លាប់កំពុងកើតមានអាចនឹងកើនឡើងដល់២.២លាននាក់ត្រឹមថ្ងៃទី១ ខែមីនា ឆ្នាំ២០២២៕

ប្រែសម្រួល៖ វីរបុត្រ
ប្រភព៖ theguardian