ព័ត៌មានអន្ដរជាតិ

ថៃ រកឃើញអ្នកឆ្លង Omicron ថែមទៀតហើយ

បានផុស

២ years មុន

នៅ

ថ្ងៃអង្គារ ១៤ ធ្នូ ២០២១

ដោយ

គិតត្រឹមថ្ងៃអង្គារទី១៤ខែធ្នូនេះ ថៃបានកត់ត្រាករណីវីរុសកូវីដបំប្លែងខ្លួន Omicron សរុប៨ករណីហើយ ចាប់តាំងពីប្រទេសនេះ បានរាយការណ៍ពីការរកឃើញមេរោគ Omicron លើកដំបូងនៅថ្ងៃទី១ខែធ្នូ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្វីបើចំនួនមិនច្រើនក៏ដោយ ប៉ុន្តែការលេចឡើងនៃវីរុសបំប្លែងខ្លួននេះ បានជំរុញឲ្យរដ្ឋាភិបាលថៃរឹតបន្តឹងការធ្វើដំណើរ និងវិធានការត្រួតពិនិត្យជំងឺលើភ្ញៀវទេសចរ ដើម្បីការពារកុំឲ្យវីរុស Omicron ត្រូវបាននាំចូលទៅក្នុងប្រទេស។

យោងតាមក្រសួងសុខាភិបាលសាធារណៈបានឲ្យដឹងថា ករណី Omicron ទាំងអស់ដែលត្រូវបានរាយការណ៍ គឺសុទ្ធសឹងតែជាករណីនាំចូល។

ស្របពេលជាមួយគ្នានោះដែរ អគ្គនាយកនៃនាយកដ្ឋានវិទ្យាសាស្ត្រវេជ្ជសាស្ត្រ លោកវេជ្ជបណ្ឌិត Suppakit Sirilak បានឲ្យដឹងថា មិនមានវីរុសបំប្លែងខ្លួនប្រភេទកូនកាត់ណាមួយ ត្រូវបានរកឃើញនៅក្នុងប្រទេសថៃឡើយ។

លោកបានបន្ថែមថា ការរីករាលដាលនៃវីរុសបំប្លែងខ្លួនប្រភេទ Delta ដែលជាមេរោគលេចធ្លោនៅក្នុងប្រទេសថៃ គឺបានធ្លាក់ចុះហើយនៅក្នុងទីក្រុងបាងកក៕

ប្រែសម្រួល៖ Vann Vann

ប្រភព៖ Thaiger

ចុចអាន៖ ថៃ រកឃើញករណីវីរុសបំប្លែងខ្លួន Omicron បន្ថែមទៀតហើយ