ព័ត៌មានអន្ដរជាតិ
អ៊ីស្រាអែលពេញចិត្តការលក់យន្តហោះ F-35 របស់អាមេរិកទៅឲ្យអារ៉ាប់រួម
ឯកអគ្គរដ្ឋទូតអ៊ីស្រាអែលប្រចាំនៅសហរដ្ឋអាមេរិកបាននិយាយថា អ៊ីស្រាអែលពិតជាពេញចិត្តចំពោះក្រុងវ៉ាស៊ីនតោនដែលលក់យន្តហោះចម្បាំង F-35 ចំនួន ៥០ គ្រឿងទៅឲ្យអារ៉ាប់រួមដែលជាផ្នែកមួយនៃកិច្ចព្រមព្រៀងទិញអាវុធចំនួន ២៣ ពាន់លានដុល្លារ ខណៈច្បាប់ក៏កំពុងត្រូវបានបញ្ចូលក្នុងសភាសហរដ្ឋអាមេរិកដើម្បីរារាំងវាផងដែរ ។
លោក Ron Dermer បានប្រាប់កម្មវិធី Morning Joe របស់ទូរទស្សន៍ MSNBC ថា “អ្វីដែលធ្វើឲ្យខ្ញុំគិតនោះគឺជាការស្នើឲ្យលក់យន្តហោះ F-35 ទៅឲ្យអារ៉ាប់រួម ។ អ្វីដែលធ្វើឲ្យខ្ញុំគិតនោះគឺគំនិតដែលថានរណាម្នាក់នឹងវិលត្រឡប់ទៅរកកិច្ចព្រមព្រៀងនុយក្លេអ៊ែរជាមួយអ៊ីរ៉ង់” ។
លោក Dermer បានបង្ហាញខ្លួននៅក្បែរលោក Yousef Al Otaiba ប្រេសិតអារ៉ាប់រួមរបស់សហរដ្ឋអាមេរិកនៅក្នុងបទសម្ភាសន៍ទូរទស្សន៍រួមគ្នាលើកដំបូងរបស់ពួកគេចាប់តាំងពីទំនាក់ទំនងត្រូវបានធ្វើឲ្យមានប្រក្រតីរវាងប្រទេសទាំងពីរនៅរដូវក្តៅជាមួយនឹងការចុះហត្ថលេខាលើកិច្ចព្រមព្រៀង Abraham ដែលត្រួតពិនិត្យដោយប្រធានាធិបតីអាមេរិក Donald Trump ។
នៅពេលសួរអំពីកិច្ចព្រមព្រៀងអាវុធរបស់អារ៉ាប់រួមដែលរួមបញ្ចូលទាំងគ្រឿងផ្ទុះ និងយន្តហោះដ្រូនលោក Dermer បានបញ្ជាក់ថា ខ្លួនមានការគាំទ្រពីនាយករដ្ឋមន្ត្រីអ៊ីស្រាអែលលោក Benjamin Netanyahu រដ្ឋមន្ត្រីការពារជាតិ Benny Gantz និងមន្រ្តីជាន់ខ្ពស់ដទៃទៀតជាដើម ។
លោកបានបន្ថែមទៀតថា កញ្ចប់សព្វាវុធនឹងមិនរំលោភលើការប្តេជ្ញាចិត្តរបស់សហរដ្ឋអាមេរិកចំពោះឧត្តមភាពយោធាប្រកបដោយគុណភាព (QME) របស់អ៊ីស្រាអែលដែលជាគោលនយោបាយរបស់សហរដ្ឋអាមេរិកក្នុងការជួយអ៊ីស្រាអែលឲ្យមានអាវុធសមស្របដើម្បីរារាំងការគំរាមកំហែងក្នុងតំបន់ ។
កាលពីមុនរដ្ឋាភិបាលអ៊ីស្រាអែលបានចេញការពារពីភាពខ្លាំងក្លារបស់ខ្លួន នៅពេលធ្វើអត្ថាធិប្បាយអំពីកិច្ចព្រមព្រៀងអាវុធនេះដោយបានបញ្ជាក់នៅក្នុងខែតុលាថា ខ្លួននឹងមិនជំទាស់នឹងការលក់ប្រព័ន្ធអាវុធរបស់សហរដ្ឋអាមេរិកទៅឲ្យប្រទេសអារ៉ាប់រួមឡើយ ។
ទន្ទឹមនោះសភាសហរដ្ឋអាមេរិកគ្រោងនឹងបោះឆ្នោតនៅសប្តាហ៍នេះលើច្បាប់ចំនួនបួនដាច់ដោយឡែកពីគ្នាដើម្បីរារាំងការលក់អាវុធ ទោះបីជាប្រធានទីភ្នាក់ងារសហប្រតិបត្តិការសន្តិសុខការពារជាតិលោក Heidi Grant បាននិយាយថា កិច្ចព្រមព្រៀងមួយអាចធ្វើទៅបានមុនពិធិឡើងកាន់តំណែងប្រធានាធិបតីនៅថ្ងៃទី ២០ ខែមករា ។
បន្ថែមពីនេះសមាជិកសភាមួយចំនួនដូចជា សមាជិកព្រឹទ្ធសភាគណបក្សសាធារណរដ្ឋលោក Marco Rubio បាននិយាយថា កិច្ចព្រមព្រៀងនេះអាចធ្វើឲ្យអន្តរាយដល់ QME របស់អ៊ីស្រាអែល ស្របពេលដែលលោក Tony Blinken ទីប្រឹក្សាគោលនយោបាយការបរទេសផ្ទាល់របស់ប្រធានាធិបតីជាប់ឆ្នោតលោក Joe Biden បាននិយាយថា ការលក់យន្តហោះ F-35 នៅមជ្ឈិមបូព៌ាត្រូវបានគេសន្មត់ថាលក់តែឲ្យប្រទេសអ៊ីស្រាអែលប៉ុណ្ណោះ ៕
ប្រែសម្រួលដោយ ៖ ជិវ័ន្ត
ប្រភព ៖ RT
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ