ព័ត៌មានអន្ដរជាតិ
ជារឿងកម្រ! វាលខ្សាច់ក្ដៅហួតហែង សាហារ៉ា បែរជាគ្របទៅដោយ ព្រិលធ្លាក់
យោងតាមកាសែត Daily Mail បានឲ្យដឹងថា វាលខ្សាច់សាហារ៉ាដែលជាតំបន់ស្ងួតហួតហែងដ៏ធំបំផុតនៅលើពិភពលោកត្រូវបានគ្របដណ្តប់ដោយព្រិលកាលពីថ្ងៃអង្គារ ដោយសារតែបាតុភូតអាកាសធាតុចម្លែកដែលបានកើតឡើងនៅជិតទីក្រុង Ain Sefra នៃប្រទេសអាល់ហ្សេរី ។
ការធ្លាក់ព្រិលនៅលើវាលខ្សាច់សាហារ៉ាបានកើតឡើង បន្ទាប់ពីសីតុណ្ហភាពខ្យល់ធ្លាក់ចុះដល់ ដក ៣ អង្សាសេនៅពេលយប់ ។
ទីក្រុង Ain Sefra ដែលត្រូវបានគេស្គាល់ថាជា “ច្រកទ្វារទៅកាន់វាលខ្សាច់” មានទីតាំងនៅកម្ពស់ប្រហែល ១,០០០ ម៉ែត្រពីលើនីវ៉ូទឹកសមុទ្រ ហើយត្រូវបានហ៊ុំព័ទ្ធដោយភ្នំ Atlas ខណៈសីតុណ្ហភាពជាមធ្យមក្នុងខែមករានៅទីនេះគឺប្រហែល ១៤ អង្សាសេ ។
វាលខ្សាច់សាហារ៉ាត្រូវបានគេមើលឃើញមានការផ្លាស់ប្តូរយ៉ាងខ្លាំងក្នុងរយៈពេលរាប់ពាន់ឆ្នាំកន្លងមកនេះ ប៉ុន្តែការធ្លាក់ព្រិលលើវាលខ្សាច់នៅតែកម្រកើតមានណាស់ ។
អ្នកជំនាញបានកត់សម្គាល់ថា ព្រិលធ្លាក់នៅវាលខ្សាច់សាហារ៉ានាពេលថ្មីៗនេះគឺជាលើកទី ៤ ហើយដែលវាត្រូវបានគេឃើញក្នុងរយៈពេល ៤២ ឆ្នាំចុងក្រោយនេះ ខណៈ ៣ លើកចុងក្រោយកើតឡើងនៅឆ្នាំ ១៩៧៩, ២០១៧ និង ២០១៨ ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ ឥណ្ឌូណេស៊ី សាងសង់រដ្ឋធានីថ្មី ជំនួសទីក្រុងហ្សាការតា
-
ព័ត៌មានជាតិ១ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានអន្ដរជាតិ៦ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៧ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៥ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ៧ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៩ ម៉ោង agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៥ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ