ព័ត៌មានអន្ដរជាតិ
ធ្លាយព័ត៌មាន៖ រុស្ស៊ី ត្រូវរង់ចាំដល់ចប់អូឡាំពិក ទើបវាយលុកអ៊ុយក្រែន ព្រោះខ្លាច ចិន ខឹង (មានវីដេអូ)
មន្ត្រីអាមេរិកម្នាក់បាននិយាយកាលពីថ្ងៃពុធទី០២ខែមីនាថា របាយការណ៍ចារកម្មលោកខាងលិចបានបង្ហាញថា កាលពីដើមខែកុម្ភៈ មន្ត្រីចិនបានស្នើឲ្យមន្ត្រីជាន់ខ្ពស់រុស្ស៊ី ត្រូវរង់ចាំរហូតដល់ចប់ព្រឹត្តិការណ៍អូឡាំពិកទីក្រុងប៉េកាំងសិន មុននឹងបើកការលុកលុយចូលប្រទេសអ៊ុយក្រែន។
ស្របពេលជាមួយគ្នានោះ មន្ត្រីអាមេរិកបានចាត់ទុករបាយការណ៍នេះ ថាអាចជឿទុកចិត្តបាន ប៉ុន្តែព័ត៌មានជាក់លាក់របស់វា កំពុងរង់ចាំការបកស្រាយ។ នេះបើយោងតាមប្រភពមួយដែលដឹងពីព័ត៌មានសម្ងាត់។
ទោះបីជាការស្នើសុំនេះត្រូវបានធ្វើឡើងអំឡុងពេលដែលប្រធានាធិបតីរុស្ស៊ីលោក វ្ល៉ាឌីមៀរ ពូទីន ធ្វើទស្សនកិច្ចនៅទីក្រុងប៉េកាំងសម្រាប់ពិធីបើកកីឡាអូឡាំពិក ជាកន្លែងដែលលោកជួបជាមួយប្រធានាធិបតីចិនលោក ស៊ី ជីនពីង ក៏ដោយ ប៉ុន្តែគេមិនច្បាស់ទេថាតើលោក ពូទីនបាននិយាយរឿងនេះ ជាមួយលោក ស៊ី ដោយផ្ទាល់ឬក៏អត់។
នៅពេលនោះ មន្ត្រីចារកម្មលោកខាងលិច បានឃ្លាំមើលយ៉ាងប្រយ័ត្នប្រយែងចំពោះការបង្កើនកងទ័ពរបស់លោកពូទីននៅតាមព្រំដែនអ៊ុយក្រែន ហើយគិតទុកថា លោកពូទីនអាចពន្យារពេលសកម្មភាពយោធារហូតដល់ក្រោយព្រឹត្តិការណ៍អូឡាំពិក ដើម្បីចៀសវាងការខឹងសម្បាពីសំណាក់ប្រទេសចិន។
បន្ទាប់ពីជំនួបរបស់លោក ពូទីន និង ស៊ី នៅខាងក្រៅព្រឹត្តិការណ៍នោះ ទីក្រុងមូស្គូ និងប៉េកាំង បានចេញសេចក្តីថ្លែងការណ៍រួមដោយប្រកាសថា ភាពជាដៃគូរបស់ប្រទេសទាំង២គឺ “គ្មានដែនកំណត់” ហើយថ្កោលទោសការពង្រីករបស់អង្គការណាតូ។ សេចក្តីថ្លែងការណ៍នោះបានបង្កើនការព្រួយបារម្ភដល់លោកខាងលិច អំពីសម្ព័ន្ធភាពដែលកំពុងរីកចម្រើនរវាងចិន និងរុស្ស៊ី។
ទោះបីជាយ៉ាងណាក៏ដោយ លោក Liu Pengyu អ្នកនាំពាក្យស្ថានទូតចិនប្រចាំទីក្រុងវ៉ាស៊ីនតោន បាននិយាយថា “ការអះអាងដែលបានលើកឡើងនៅក្នុងរបាយការណ៍ពាក់ព័ន្ធនោះ គឺជាការគិតទុកដោយគ្មានមូលដ្ឋាន ហើយមានគោលបំណងដាក់ការស្តីបន្ទោស និងលាបពណ៌ប្រទេសចិន”៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ CNN
ចុចអាន៖ លោក Macron៖ ពិភពលោកមិនមែនធ្វើសង្គ្រាមជាមួយរុស្ស៊ីទេ តែជាមួយ Putin
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង