លោក ចូ បៃដិន ព្រមានថា អន្តរាគមន៍អាមេរិកនៅអ៊ុយក្រែន គឺជាសង្គ្រាមលោកលើកទី៣

ប្រធានាធិបតីអាមេរិកលោក ចូ បៃដិន បាននិយាយនៅក្នុងអត្ថាធិប្បាយយ៉ាងម៉ឺងម៉ាត់ កាលពីថ្ងៃសុក្រទី១១ខែមីនាថា សហរដ្ឋអាមេរិកនឹងមិនបញ្ជូនទាហានទៅអ៊ុយក្រែនទេ។

លោកប្រធានាធិបតីបានបង្ហោះ Twitter ថា “ខ្ញុំចង់បញ្ជាក់ឲ្យច្បាស់៖ យើងនឹងការពារគ្រប់ម៉ែត្រនៃទឹកដីណាតូ ជាមួយនឹងកម្លាំងពេញលេញនៃការរួបរួមរបស់ ណាតូ។ ប៉ុន្តែយើងនឹងមិនធ្វើសង្រ្គាមប្រឆាំងរុស្ស៊ី នៅអ៊ុយក្រែនទេ។ ការប្រឈមមុខដាក់គ្នាដោយផ្ទាល់រវាងណាតូ និងរុស្ស៊ី គឺជាសង្រ្គាមលោកលើកទី៣”។

លោក បៃដិន បាននិយាយម្តងហើយម្តងទៀតថា ការបញ្ជូនទាហានអាមេរិក ទៅចូលរួមដោយផ្ទាល់ជាមួយរុស្ស៊ីគឺមិនស្ថិតក្នុងការពិចារណានោះទេ។

គួរបញ្ជាក់ថា ក្នុងរយៈពេលប៉ុន្មានថ្ងៃថ្មីៗនេះ រដ្ឋបាលរបស់លោក បានបន្តយុទ្ធនាការដាក់ទណ្ឌកម្មកាន់តែខ្លាំងឡើងប្រឆាំងនឹងលោក វ្ល៉ាឌីមៀរ ពូទីន និងប្រទេសរុស្ស៊ី។

កាលពីថ្ងៃសុក្រ លោក បៃដិន បានប្រកាសហាមឃាត់ការនាំចូលគ្រឿងស្រវឹង គ្រឿងសមុទ្រ និងពេជ្ររបស់រុស្ស៊ី ហើយបានពង្រីកបញ្ជីឈ្មោះមហាសេដ្ឋី ដែលប្រឈមមុខនឹងទណ្ឌកម្ម៕

ប្រែសម្រួល៖ Vann Vann

ប្រភព៖ BBC

ចុចអាន៖ មូលហេតុ បណ្តាលឲ្យផ្ទុះសង្គ្រាមលោកលើកទី១ និងទី២