ព័ត៌មានអន្ដរជាតិ

តុលាការត្រៀមចេញដីកាចាប់ខ្លួនមេខ្លោងទាំង ៥ នាក់ ក្រោយមានភស្តុតាងច្បាស់ៗ ពីសកម្មភាពប្រព្រឹត្តលើទូក Tangmo

បានផុស

៤ years មុន

នៅ

ថ្ងៃសុក្រ ១ មេសា ២០២២

ដោយ

ពេលនេះប៉ូលិសកំពុងរៀបចំដីកាចាប់ខ្លួន មេខ្លោងដែលបានក្លែងថាជាឧប្បត្តិហេតុ ហើយបានដាក់កំហុសលើ Tangmo ទាំងស្រុង និងអះអាងថា នាងដើរទៅនោមនៅក្រោយទូកខ្លួនឯង ។

ក្នុងករណីនេះដែរ ប៉ូលីសនៅស្ថានីយ៍ Muang Nonthaburi បានដាក់ពាក្យចោទប្រកាន់លោក Tanuphat Lertthaweewit ឬ Por និងលោក Paiboon Tri Kanchananan ឬ Robert ដែលជាអ្នកបើកបរទូកល្បឿនលឿន ខ្វះការប្រុងប្រយ័ត្នបណ្ដាលឲ្យមនុស្សស្លាប់។ នេះបើតាមសារព័ត៌មាននៅថ្ងៃទី១ ខែមេសា មន្ត្រីនគរបាលកំពុងប្រមូលភស្តុតាង និងឯកសារម្ដងទៀត។ បន្ទាប់ពីលើកមុន បាននាំយកភស្តុតាងដើម្បីអនុម័តដីកាចាប់ខ្លួន អ្នកពាក់ព័ន្ធនិងជាមេខ្លោងធំនៃការស្លាប់របស់តារាសម្ដែង Tangmo។

កន្លងមកសមត្ថកិច្ចបានព្យាយាមនាំយកភស្តុតាង ហើយបានអនុម័តដីកាចាប់ខ្លួនពីតុលាការខេត្ត Nonthaburi។ ប៉ុន្តែតុលាការបានចាត់ទុកថា ភស្តុតាងដែលប៉ូលិសដាក់ចេញដីកាចាប់ខ្លួននោះ គឺជាភស្តុតាងគ្មានទម្ងន់ ដូច្នេះហើយ បានបញ្ជាឲ្យប្រមូលវត្ថុតាងដែលមានទម្ងន់ធ្ងន់ជាងនេះ យកមកម្ដងទៀត។

គួរបញ្ជាក់ថា អ្នកទាំង៥នាក់ដែលនៅលើទូក បានចេញមកផ្ដល់សក្ខីកម្មប្រាប់ប៉ូលិសថា Tangmo ធ្លាក់ពីលើទូកលឿន ព្រោះដើរទៅនោមនៅខាងក្រោយទូក ហើយដើម្បីច្រានចោលការស្ដីបន្ទោស ពួកគេនិយាយថា នេះជាទង្វើរបស់នាងខ្លួនឯង មិនមែនបណ្ដាលមកពីមនុស្សនៅលើទូកទេ។ យ៉ាងណាមិញ ដំណើរការស្លាប់ដ៏អាថ៌កំបាំងរបស់ Tangmo នៅតែជាចម្ងល់មិនអស់ចិត្តរបស់មហាជនគ្រប់គ្នាដដែល៕

ប្រែសម្រួល៖ សាង ស្រីល័ក្ខ

ប្រភព៖ Sanook

ចុចអាន៖ឃ្លិបវីដេអូរបស់ Tangmo បង្ហាញក្នុងពិធីកាន់ទុក្ខ ធ្វើឲ្យអតីតស្វាមីនាងយំខ្សោះខ្លួន

ចុចអាន៖ខ្សែជីវិតដ៏ជូរចត់របស់ Tangmo មុនពេលជួបឧប្បត្តិហេតុ បាត់បង់ជីវិត