ព័ត៌មានអន្ដរជាតិ

ទឹកជំនន់សម្លាប់មនុស្សជិត៦០នាក់នៅអាហ្វ្រិកខាងត្បូង

បានផុស

៣ years មុន

នៅ

ថ្ងៃពុធ ១៣ មេសា ២០២២

ដោយ

តួលេខស្លាប់ពីទឹកជំនន់ និងរអិលបាក់ដី បន្ទាប់ពីភ្លៀង-ព្យុះខ្លាំងបានវាយប្រហារទីក្រុងកំពង់ផែ Durban និងតំបន់ជុំវិញខេត្ត KwaZulu-Natal នៅអាហ្វ្រិកខាងត្បូងបានកើនឡើងដល់៥៩នាក់។ នេះបើតាមអាជ្ញាធរបាននិយាយនៅថ្ងៃទី១២ ខែមេសា។

ក្រុមអ្នកឧតុនិយមរបស់ប្រទេសនេះបានព្យាករថា នឹងមានភ្លៀងធ្លាក់ដ៏អាក្រក់នៅយប់ថ្ងៃអង្គារ៍ ប៉ុន្តែរំពឹងថា ល្បឿនទឹកភ្លៀងនឹងចុះខ្សោយនៅថ្ងៃពុធ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្តីប្រកាសរបស់សាលាខេត្តថា ៖«មនុស្សជាច្រើនបានបាត់បង់ជីវិតនៅផ្លូវក្រោមដី Ethekwini ដែលកន្លែងតែមួយនេះមួយមានអ្នកស្លាប់ដល់ទៅ៤៥នាក់ ខណៈនៅខណ្ឌ iLembe មានអ្នកស្លាប់១៤នាក់ ដែលនេះជាសោកនាដកម្មដ៏អាក្រក់»។

«គ្រោះមហន្តរាយបានបំផ្លិចបំផ្លាញដែលមិនអាចដឹងមុន និងប៉ះពាល់ដល់អាយុជីវិត និងហេដ្ឋារចនាសម្ព័ន្ធយ៉ាងធ្ងន់ធ្ងរ។ សូម្បីតំបន់ដាច់ស្រយាល និងតំបន់ទីប្រជុំជនមួយចំនួនក៏រងការខូចខាត»។ សេខក្តីប្រកាសបាននិយាយ។

លោកប្រធានាធិបតី Cyril Ramaphosa ដែលបានទៅពិនិត្យផ្ទាល់នៅកំពង់ផែ Durban នៅថ្ងៃពុធបាននិយាយថា ៖«នេះជាសោកនាដកម្មនៃកម្លាំងធម្មជាតិ ហើយស្ថានភាពនេះអំពាវនាវឲ្យមានការឆ្លើយតបប្រកបដោយប្រសិទ្ធភាពពីរដ្ឋាភិបាល»។

ប្រធានគណៈកម្មការសហភាពអាហ្វ្រិក លោក Moussa Faki Mahamat បានសម្តែងការចូលរួមរំលែកទុក្ខដល់ក្រុមគ្រួសារដែលបាត់បង់មនុស្សជាទីស្រឡាញ់ និងការខូចខាតដោយសារទឹកជំនន់។

ភ្លៀងធ្លាក់ជាច្រើនថ្ងៃបានជន់លិចតំបន់ជាច្រើន ផ្ទះដាច់ពីគ្នា និងបំផ្លាញហេដ្ឋារចនាសម្ព័ន្ធនៅទូទាំងទីក្រុងភាគអាគ្នេយ៍ ខណៈការរអិលបាក់ដីបានបង្ខំឱ្យសេវាកម្មរថភ្លើងត្រូវផ្អាក។

ភ្លៀងបានជន់លិចផ្លូវធំៗក្នុងទីក្រុងដល់ជម្រៅយ៉ាងដូច្នេះ ដែលមានតែភ្លើងសញ្ញាចរាចរណ៍លេចចេញ ដែលស្រដៀងនឹង periscope នាវាមុជទឹក៕

ប្រែសម្រួល៖ វីរបុត្រ
ប្រភព៖ AFP

Related Topics:អាហ្វ្រិកខាងត្បូង