ចក្រភពអង់គ្លេស សុំឲ្យពិភពលោក ផ្តល់យន្តហោះចម្បាំងទៅ អ៊ុយក្រែន

រដ្ឋមន្ត្រីការបរទេសអង់គ្លេស លោកស្រី Liz Truss នឹងប្រកាសនៅថ្ងៃពុធទី២៧នេះថា ចក្រភពអង់គ្លេស និងមហាអំណាចលោកខាងលិច គួរតែផ្តល់យន្តហោះចម្បាំងដល់អ៊ុយក្រែន ជាផ្នែកនៃការគាំទ្រផ្នែកយោធារយៈពេលវែងរបស់ពួកគេ។

ក្នុង​សុន្ទរកថា​នៅ​ទីក្រុង​ឡុងដ៍ លោកស្រី​នឹង​និយាយ​ថា ប្រទេសលោក​ខាង​លិច​គួរ​តែ​ត្រៀម​ខ្លួន​ជា​ស្រេច ​ដើម្បី​ផ្តល់​ការ​គាំទ្រ​ដល់​ប្រទេស​នេះសម្រាប់​រយៈ​ពេលយូរអង្វែង។

អ៊ុយក្រែន បានស្នើសុំម្តងហើយម្តងទៀតសម្រាប់យន្តហោះប្រយុទ្ធ ជាពិសេសយន្តហោះចម្បាំងសម័យសូវៀត ដែលអ្នកបើករបស់ពួកគេធ្លាប់ស្គាល់។

ទោះបីជាយ៉ាងណាក៏ដោយ សម្ព័ន្ធមិត្តលោកខាងលិចមានការស្ទាក់ស្ទើរក្នុងការផ្តល់ឲ្យ ព្រោះខ្លាចរុស្ស៊ីបង្ករឿងកាន់តែធំជាងនេះ។

ប៉ុន្តែនៅពេលដែលសមាជិកណាតូបង្កើនការគាំទ្ររបស់ពួកគេសម្រាប់អ៊ុយក្រែនជាមួយនឹងអាវុធរយៈចម្ងាយឆ្ងាយ លោកស្រី Truss និយាយថា ពួកគេគួរតែធ្វើបន្ថែមទៀត។ លោកស្រីក៏នឹងជំរុញឲ្យលោកខាងលិច កាត់ផ្តាច់ការនាំចូលប្រេង និងឧស្ម័នពីរុស្ស៊ីផងដែរ៕

ប្រែសម្រួល៖ Vann Vann

ប្រភព៖ BBC

ចុចអាន៖ អាល្លឺម៉ង់ ប្រកាសផ្តល់រថក្រោះដែលប្រើរួច ទៅឲ្យ អ៊ុយក្រែន