ព័ត៌មានអន្ដរជាតិ

លោក Xi Jinping និយាយសរសើរអ្វីខ្លះដល់នាយកប្រតិបត្តិថ្មីរបស់ ហុងកុង

បានផុស

៤ years មុន

នៅ

ថ្ងៃអង្គារ ៣១ ឧសភា ២០២២

ដោយ

ប្រធានាធិបតីចិនលោក Xi Jinping បានជួបជាមួយលោក John Lee Ka-chiu ដែលជានាយកប្រតិបត្តិថ្មីរបស់ហុងកុងក្នុងកិច្ចប្រជុំមួយដែលបានធ្វើឡើងនៅទីក្រុងប៉េកាំងកាលពីថ្ងៃចន្ទ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីភ្នាក់ងារសារព័ត៌មានរដ្ឋចិន Xinhua បាននិយាយថា ក្នុងកិច្ចប្រជុំនោះ លោក Xi បានប្រាប់លោក Lee ថា អាជ្ញាធរកណ្តាលមានទំនុកចិត្តទាំងស្រុងលើមេដឹកនាំហុងកុងដែលទើបជាប់ឆ្នោតថ្មីរូបនេះ ។

លោក Xi បានសរសើរលោក Lee សម្រាប់ជំហរមិនងាករេក្នុងការស្រឡាញ់ចិន និងហុងកុង ហើយលោកក៏បានកត់សម្គាល់ផងដែរថា លោក Lee បានរួមចំណែកក្នុងការការពារសន្តិសុខជាតិ និងភាពរុងរឿង ក៏ដូចជាស្ថិរភាពរបស់ហុងកុងជាដើម ។

ប្រធានាធិបតីចិនរូបនេះបាននិយាយទៀតថា ទីក្រុងហុងកុងកំពុងស្ថិតក្នុងចំណុចប្រសព្វដ៏សំខាន់ឆ្ពោះទៅរកភាពចម្រុងចម្រើន បន្ទាប់ពីបានផ្លាស់ប្តូរពីភាពវឹកវរទៅជាអភិបាលកិច្ចល្អ ហើយលោកមានជំនឿយ៉ាងមុតមាំថា រដ្ឋាភិបាលថ្មីនៅហុងកុងនឹងឈានទៅរកជំពូកថ្មីក្នុងការអភិវឌ្ឍន៍ក្នុងតំបន់ ។

គួរបញ្ជាក់ថា លោក Lee គ្រោងនឹងចូលកាន់តំណែងនៅថ្ងៃទី ១ ខែកក្កដា ដែលជាខួបលើកទី ២៥ នៃការប្រគល់ហុងកុងឲ្យប្រទេសចិនពីការគ្រប់គ្រងរបស់អង់គ្លេស ខណៈលោក Xi ក៏អាចនឹងចូលរួមក្នុងពិធីសម្ពោធនោះផងដែរ ៕