ទីក្រុងញូវយ៉កប្រកាសអាសន្នជំងឺអុតស្វា ស្របពេលករណីឆ្លងកើនជាង ១ពាន់នាក់

អាជ្ញាធរទីក្រុងញូវយ៉កបានប្រកាសភាពអាសន្នផ្នែកសុខភាពសាធារណៈ ដោយសារតែការរីករាលដាលនៃវីរុសជំងឺអុតស្វា កាលពីថ្ងៃសៅរ៍ ទី៣០ ខែកក្កដា ដោយហៅទីក្រុងនេះជាចំណុចកណ្តាលនៃការផ្ទុះឡើង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្តីប្រកាសកាលពីថ្ងៃសៅរ៍ ដោយអភិបាលក្រុង Eric Adams និងប្រធានមន្ទីរសុខភាពលោក Ashwin Vasan និយាយថា អ្នករស់នៅក្នុងទីក្រុងរហូតដល់ ១៥០,០០០ អាចប្រឈមនឹងហានិភ័យនៃការឆ្លងនៃជំងឺអុតស្វាក្នុងពេលដ៏ខ្លី ប្រសិនការពារមិនត្រូវបានយកចិត្តទុកដាក់យ៉ាងតឹងរ៉ឹងទេ។ សេចក្តីប្រកាសបានអនុញ្ញាតឱ្យមន្ត្រីចេញបញ្ជាគ្រាអាសន្នក្រោមក្រមសុខភាពទីក្រុង ដើម្បីជួយបន្ថយការរីករាលដាល។

ក្នុងរយៈពេលពីរថ្ងៃចុងក្រោយនេះ អភិបាលក្រុងញូវយ៉ក Kathy Hochul បានធ្វើសេចក្តីប្រកាសគ្រាអាសន្នគ្រោះមហន្តរាយរដ្ឋ ហើយមន្ទីរសុខាភិបាលរដ្ឋបានចាត់ទុកជំងឺអុតស្វា ជាការគំរាមកំហែងដល់សុខភាពសាធារណៈ ចាប់តាំងពីការផ្ទុះឡើងនៃជំងឺអុតស្វា។

គិតត្រឹមថ្ងៃសុក្រ ញូវយ៉កបានកត់ត្រាករណីឆ្លងរហូតដល់ ១,៣៤៥នាក់ នេះបើយោងតាមទិន្នន័យចងក្រងដោយមជ្ឈមណ្ឌលគ្រប់គ្រង និងបង្ការជំងឺ ខណៈរដ្ឋកាលីហ្វ័រញ៉ាជាប់ចំណាត់ថ្នាក់ទី២ នៅសហរដ្ឋអាមេរិក ដែលមានករណីឆ្លងចំនួន ៧៩៩នាក់៕

ប្រែសម្រួល៖ ​សន្យា

ប្រភព៖ CNA

ចុចអាន៖ ទីបំផុត អឺរ៉ុប មានអ្នកស្លាប់ទី១ ដោយសារជំងឺអុតស្វា

ចុចអាន៖ គ្រាប់រ៉ុកកែតរបស់ចិន ទម្ងន់ជាង ២២តោន ធ្លាក់ពីលំហមកផែនដីវិញ