ព័ត៌មានអន្ដរជាតិ
មេ UN ប្រាប់គោលបំណងទៅ អ៊ុយក្រែន លើកនេះ
អគ្គលេខាធិការអង្គការសហប្រជាជាតិ (UN) លោក Antonio Guterres មានគោលបំណងកាត់បន្ថយភាពតានតឹងរវាងរុស្ស៊ី និងអ៊ុយក្រែន ក្នុងអំឡុងពេលធ្វើដំណើរទៅកាន់ទីក្រុង Lvov ភាគខាងលិច និងជាលើកទី ២ ទៅកាន់ប្រទេសអ៊ុយក្រែន ។
អ្នកនាំពាក្យ UN លោក Farhan Haq បាននិយាយប្រាប់អ្នកសារព័ត៌មានកាលពីថ្ងៃពុធថា “លោក Guterres បានបញ្ជាក់ពីការមើលឃើញបញ្ហាព្រួយបារម្ភជាច្រើនក្នុងវិបត្តិនៅអ៊ុយក្រែននាពេលនេះ” ។
លោក Hag បាននិយាយថា “លោក Guterres កំពុងរកដំណោះស្រាយបញ្ហាដូចជា ការធ្វើដំណើររបស់កប៉ាល់, បញ្ហាអាហារ និងគ្រាប់ធញ្ញជាតិ, ការព្រួយបារម្ភអំពីរោងចក្រថាមពលនុយក្លេអ៊ែរនៅ Zaporizhzhia, ការព្រួយបារម្ភអំពីសកម្មភាពស្វែងរកការពិតទាក់ទងនឹងពន្ធនាគារ Olenivka ក៏ដូចជាកិច្ចខិតខំប្រឹងប្រែងជារួមរបស់លោកក្នុងការកាត់បន្ថយកម្ដៅ និងភាពតានតឹងរបស់រុស្ស៊ី និងអ៊ុយក្រែន” ។
ទន្ទឹមនោះ បន្ទាប់ពីចុះទៅទីក្រុង Lvov, លោក Guterres នឹងធ្វើដំណើរទៅកាន់ទីក្រុង Odessa ជាកំពង់ផែមួយក្នុងចំណោមកំពង់ផែទាំង ៣ ដែលអ៊ុយក្រែននាំចេញគ្រាប់ធញ្ញជាតិ ក្រោមគំនិតផ្តួចផ្តើមគ្រាប់ធញ្ញជាតិសមុទ្រខ្មៅរបស់អង្គការសហប្រជាជាតិ ។
គួរបញ្ជាក់ថា រហូតមកដល់ពេលនេះសង្គ្រាមលុកលុយរបស់រុស្ស៊ីលើអ៊ុយក្រែនដែលលោកប្រធានាធិបតី វ្ល៉ាឌីមៀ ពូទីន ចាត់ទុកជាប្រតិបត្តិការយោធាពិសេសបានអូសបន្លាយពេលជិត ៦ ខែហើយ ហើយមិនទាន់មានសញ្ញាណាមួយថមថយកម្ដៅនៅឡើយទេ បើទោះជាមានការដាក់ទណ្ឌកម្មជាបន្តបន្ទាប់ពីសំណាក់លោកខាងលិចក៏ដោយ ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ មេ UN នឹងទៅ អ៊ុយក្រែន ម្ដងទៀត ជួបមនុស្សសំខាន់ ២ រូប
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង