សម្ព័ន្ធមិត្តលោក ពូទីន ប្រាប់ជំហរប្រើអាវុធនុយក្លេអ៊ែរ

អតីតប្រធានាធិបតីរុស្ស៊ី លោក Dmitry Medvedev បាននិយាយថា ទីក្រុងមូស្គូមានសិទ្ធិប្រើអាវុធនុយក្លេអ៊ែរដើម្បីការពារខ្លួន ប្រសិនបើមានករណីណាមួយហួសពីដែនកំណត់របស់ខ្លួន ។

លោក Medvedev បញ្ចាក់ថា “ជំហរការពារខ្លួននេះគឺប្រាកដ ច្បាស់លាស់ ហើយនេះមិនមែនជាការបំភាន់នោះទេ​ខណៈសុន្ទរកថាបែបនេះក៏ត្រូវបាន​លោក ពូទីន លើកឡើងផងដែរកាល​ពី​សប្តាហ៍​មុន” ។

លោក Medvedev ដែលជាអនុប្រធានក្រុមប្រឹក្សាសន្តិសុខរបស់រុស្ស៊ីក៏បានព្រមានដែរថា ទីក្រុងមូស្គូមានសិទ្ធិឆ្លើយតបដោយគ្មានការពិគ្រោះយោបល់ច្រើនឡើយ នៅពេលដែលភាពតានតឹងកើនឡើងជាមួយលោកខាងលិចជុំវិញការបោះឆ្នោតប្រជាមតិដែលធ្វើឡើងនៅក្នុងតំបន់ធំៗនៃទឹកដីអ៊ុយក្រែនដែលកាន់កាប់ដោយរុស្ស៊ី ។

គួរបញ្ជាក់ថា លោក Medvedev  ដែលជាសម្ព័ន្ធមិត្តរបស់លោក ពូទីន គឺជាឥស្សរជនដ៏ចម្រូងចម្រាសក្នុងនយោបាយរុស្ស៊ី ដែលតែងតែចេញសេចក្តីថ្លែងការណ៍យ៉ាងចាស់ដៃអំពីលោកខាងលិច និងអ៊ុយក្រែន ៕

ប្រែសម្រួលដោយ ៖ ជីវ័ន្ត

ប្រភព ៖ TASS

ចុចអាន ៖ អាមេរិក មានផែនការរួចហើយ បើរុស្ស៊ី បាញ់នុយក្លេអ៊ែរ