ព័ត៌មានអន្ដរជាតិ

ជាលើកដំបូង វៀតណាម រៀបចំពិព័រណ៍បង្ហាញអាវុធអន្តរជាតិនៅ ហាណូយ

បានផុស

១ year មុន

នៅ

ថ្ងៃព្រហស្បតិ៍ ៨ ធ្នូ ២០២២

ដោយ

ប្រទេសវៀតណាមនៅថ្ងៃព្រហស្បតិ៍នេះបានបើកការតាំងពិពណ៌អាវុធអន្តរជាតិទ្រង់ទ្រាយធំជាលើកដំបូង ខណៈដែលប្រទេសអាស៊ីអាគ្នេយ៍មួយនេះព្យាយាមធ្វើពិពិធកម្មប្រភពអាវុធរបស់ខ្លួន ក៏ដូចជាដើម្បីនាំចេញសម្ភារៈទាំងនោះផងដែរ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្រឹត្តិការណ៍រយៈពេល ៣ ថ្ងៃដែលបានប្រារព្ធធ្វើឡើងនៅអាកាសយានដ្ឋានក្នុងរដ្ឋធានីហាណូយ បានទាក់ទាញអ្នកតាំងពិព័រណ៍ចំនួន ១៧៤ នាក់មកពីប្រទេសចំនួន ៣០ រួមទាំងសហរដ្ឋអាមេរិក រុស្ស៊ី និងប្រជាជាតិអឺរ៉ុបផងដែរ ។

លោកនាយករដ្ឋមន្ត្រី Pham Minh Chinh បាននិយាយនៅក្នុងពិធីបើកព្រឹត្តិការណ៍នោះថា “ពិព័រណ៍នេះនឹងជួយធ្វើពិពិធកម្មប្រភពផ្គត់ផ្គង់ឧបករណ៍ការពារជាតិ ក្នុងគោលបំណងការពារប្រទេស និងប្រជាជន ចំពេលមានការកើនឡើងនូវបញ្ហាប្រឈមនានា ខណៈគោលនយោបាយការពារជាតិរបស់វៀតណាម គឺសន្តិភាព និងការការពារខ្លួន” ។

ស្របពេលជាមួយគ្នានេះ មន្ត្រី និងអ្នកវិភាគបាននិយាយថា វៀតណាមក៏កំពុងសម្លឹងមើលការផ្លាស់ប្តូរផ្នែកការពារដ៏សំខាន់ផងដែរ ខណៈដែលខ្លួនព្យាយាមកាត់បន្ថយការពឹងផ្អែករបស់ខ្លួនលើរុស្ស៊ី ដែលជាប្រទេសផ្គត់ផ្គង់អាវុធ និងប្រព័ន្ធការពារដ៏សំខាន់របស់វៀតណាម អស់ជាច្រើនទសវត្សរ៍មកហើយ ៕