ទៀតហើយ! លោក ចូ បៃដិន ចំពប់ជើងចង់ដួលផ្កាប់មុខ ពេលឡើងយន្តហោះ ចេញពី ប៉ូឡូញ

ប្រធានាធិបតីអាមេរិកលោក ចូ​បៃដិន ត្រូវបានគេឃើញ ចំពប់ជើងចង់ដួលផ្កាប់មុខ ពេលដើរឡើងជណ្តើរយន្តហោះ Air Force One ក្នុងប្រទេសប៉ូឡូញ។

វីដេអូកាលពីថ្ងៃពុធទី២២ខែកុម្ភៈ កើតឡើងមួយថ្ងៃ បន្ទាប់ពីអ្នកប្រើប្រាស់ប្រព័ន្ធផ្សព្វផ្សាយសង្គមជាច្រើនស្មានថា លោក បៃដិន បានធ្លាក់ពីជណ្តើរនៅពេលទៅដល់ប្រទេសប៉ូឡូញ។

បន្ទាប់ពីការចំពប់ជើងរបស់លោក បៃដិន កាលពីថ្ងៃពុធ, វីដេអូត្រូវបានចែករំលែកដោយគណនី Twitter ផ្សេងៗ ដោយមានមនុស្សជាច្រើនបានរិះគន់លោក បៃដិន និងចោទជាសំណួរអំពីសុខភាពរបស់គាត់។

ទោះបីជាយ៉ាងណាក៏ដោយ នេះមិនមែនជាលើកទីមួយទេ ដែលលោក បៃដិន ចំពប់ជើងពេលឡើងយន្តហោះ។

នៅខែមីនាឆ្នាំ២០២១ លោក បៃដិន បានចំពប់ជើងដួលពីរដង មុនពេលឡើងយន្តហោះទៅរដ្ឋ Georgia ហើយកាលពីខែឧសភាឆ្នាំមុន លោក បៃដិន ក៏បានជួបរឿងដូចគ្នានេះដែរ ពេលឡើងយន្តហោះ Air Force One នៅមូលដ្ឋានទ័ពអាកាស Andrews ដើម្បីធ្វើដំណើរទៅរដ្ឋ Illinois៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Newsweek

ចុចអាន៖ លោក បៃដិន ធានាសន្តិសុខដល់សម្ព័ន្ធមិត្តណាតូ ភាគខាងកើត ក្រោយរុស្ស៊ីគំរាមបាញ់នុយក្លេអ៊ែរ