ព័ត៌មានអន្ដរជាតិ
ប្អូនស្រី គីម ជុងអ៊ុន ហៅលោក បៃដិន ជា “មនុស្សចាស់ដែលគ្មានអនាគត”
លោកស្រី គីម យូជុង ប្អូនស្រីរបស់មេដឹកនាំកូរ៉េខាងជើងលោក គីម ជុងអ៊ុន នៅថ្ងៃសៅរ៍នេះបានរិះគន់ពាក្យសម្ដីរបស់លោកប្រធានាធិបតីអាមេរិក ចូ បៃដិន អំពីការបញ្ចប់របបក្រុងព្យុងយ៉ាង បើហ៊ានវាយប្រហារលើក្រុងវ៉ាស៊ីនតោន ថាមិនសមហេតុផល ហើយថែមទាំងបានហៅលោក បៃដិន ថាជា “មនុស្សចាស់ដែលគ្មានអនាគត” ផងដែរ ។
ទីភ្នាក់ងារសារព័ត៌មានរដ្ឋកូរ៉េ KCNA បានរាយការណ៍ដោយដកស្រង់សម្ដីរបស់លោកស្រី គីម យូជុង ថា “វាដូចជាមិនសមហេតុផលសោះដែលប្រមុខរដ្ឋមួយហ៊ានប្រើពាក្យ “បញ្ចប់របបកូរ៉េខាងជើង” នៅក្រោមក្រសែភ្នែករបស់ពិភពលោកទាំងមូល” ។
អនុប្រធាននាយកដ្ឋាននៃគណៈកម្មាធិការមជ្ឈិមរបស់គណបក្សពលករកូរ៉េរូបនេះ បាននិយាយនៅក្នុងសេចក្តីថ្លែងការណ៍មួយថា “វាជាការលើកឡើងខុសទំនងពីបុគ្គលមួយរូបដែលដូចជាស្ថិតនៅក្នុងដំណាក់កាលចាស់វង្វេងវង្វាន់ ដែលមិនមានលទ្ធភាពគ្រប់គ្រាន់ក្នុងការទទួលបន្ទុកផ្នែកសន្តិសុខ និងអនាគតរបស់សហរដ្ឋអាមេរិក ហើយលោកជាមនុស្សចាស់ដែលគ្មានអនាគត ដោយសារតែបម្រើការងារច្រើនពេកក្នុងអាណត្តិរបស់លោក” ។
គួរបញ្ជាក់ថា នៅក្នុងសន្និសីទសារព័ត៌មានរួមគ្នាមួយជាមួយមេដឹកនាំកូរ៉េខាងត្បូងលោក យូន ស៊ុកយុល នៅទីក្រុងវ៉ាស៊ីនតោនកាលពីដើមសប្តាហ៍នេះ, លោក បៃដិន បាននិយាយថា ការវាយប្រហារនុយក្លេអ៊ែររបស់កូរ៉េខាងជើងលើសហរដ្ឋអាមេរិក ក៏ដូចជាសម្ព័ន្ធមិត្ត និងដៃគូរបស់ខ្លួន នឹងនាំឲ្យមានសេចក្ដីវិនាសនៃរបបទីក្រុងព្យុងយ៉ាង ៕
ប្រែសម្រួលដោយ ៖ ជីវ័ន្ត
ប្រភព ៖ TASS
ចុចអាន ៖ លោក Shoigu ៖ អាមេរិក ចាក់រុកប្រទេសផ្សេងទៀតឲ្យប្រឈមមុខផ្នែកយោធាជាមួយ រុស្ស៊ី និងចិន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ